1 Samuel 20:1

Ang Biblia 2011

Unya si David mikagiw gikan sa Naiot sa Rama, ug miadto ug miingon sa atubangan ni Jonatan, “Unsay akong nabuhat? Unsay akong kasal-anan? Ug unsay akong sala sa atubangan sa imong amahan nga siya nagtinguha man sa akong kinabuhi?”

Cross References

Salmo 54:3

Kay ang mga mapahitas-on nakigbatok kanako, ug ang mga tawo nga bangis nangita sa akong kinabuhi; wala nila ipahimutang ang Dios diha sa ilang atubangan. Selah.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Pedro 2:9

ang Ginoo nahibalo gayod unsaon sa pagluwas sa mga tawong diosnon gikan sa mga pagsulay ug sa pagbutang sa mga dili matarong ilalom sa silot hangtod sa adlaw sa paghukom,

1 Juan 3:21

Mga hinigugma, kon ang atong mga kasingkasing dili magsudya kanato, may pagsalig kita diha sa atubangan sa Dios,

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 19:1

Unya si Saul misulti kang Jonatan nga ang iyang anak ug sa tanan niyang mga sulugoon nga ilang patyon si David. Apan si Jonatan nga anak ni Saul nalipay pag-ayo kang David.

1 Samuel 19:18

Busa si David mipalayo ug miikyas ug miadto kang Samuel sa Rama, ug misugilon kaniya sa tanang gihimo ni Saul kaniya. Ug siya ug si Samuel nangadto ug mipuyo sa Naiot.

1 Samuel 20:2

Ug siya miingon kaniya, “Ipalayo kana! Dili ka mamatay. Ang akong amahan wala magbuhat sa bisan unsa, gamay man o dako, nga dili niya itug-an kanako ug nganong magtago man ang akong amahan niining butanga gikan kanako? Dili kana tinuod.”

1 Samuel 20:32

Unya si Jonatan mitubag kang Saul nga iyang amahan, “Nganong patyon man siya? Unsay iyang nabuhat?”

1 Samuel 24:11

Tan-awa, akong amahan, ang sidsid sa imong bisti sa akong kamot, kay nianang pagputol nako sa sidsid sa imong bisti ug nga wala ikaw nako patya, mahibaloan nimo ug makita nga wala gayoy daotan o paglapas sa akong kamot. Wala ako makasala batok kanimo bisan pa ug nangita ikaw sa akong kinabuhi aron sa pagkuha niini.

1 Samuel 24:12

Ang Ginoo maghukom unta taliwala kanimo ug kanako, ug ang Ginoo magbalos kanimo alang kanako, apan ang akong kamot dili gayod makigbatok kanimo.

1 Samuel 24:17

Siya miingon kang David, “Ikaw labaw pang matarong kay kanako kay ikaw nagbalos kanako ug maayo, samtang gihatag nako kanimo ang daotan.

1 Samuel 24:9

Si David miingon kang Saul, “Nganong namati ikaw sa mga pulong sa mga tawo, nga nag-ingon, ‘Si David daotan ug tuyo kanimo’?

1 Samuel 26:18

Ug siya miingon, “Ngano ba nga ang akong agalon naggukod man sa iyang sulugoon? Kay unsa may akong nabuhat? Unsa ang sala nga ania sa akong kamot?