1 Samuel 2:8

Ang Biblia 2011

Siya magbangon sa kabos gikan sa abog; siya magtuboy sa timawa gikan sa tapok sa abo, aron palingkoron sila uban sa mga pangulo, ug manunod sa trono sa himaya. Kay ang mga haligi sa yuta iya sa Ginoo, ug diha niini iyang gipahimutang ang kalibotan.

Cross References

Genesis 41:14

Unya ang Paraon nagsugo ug gipatawag niya si Jose. Ug dali siya nga gipagula nila gikan sa bilanggoan. Ug human siya makapamalbas ug makailis sa iyang mga bisti, miadto siya sa Paraon.

Genesis 41:40

Ikaw magmando sa akong panimalay ug sumala sa imong pulong, dumalahon nimo ang akong tibuok nga katawhan. Sa akong trono lamang nga ako labaw kanimo.”

2 Samuel 7:8

Busa karon mao kini ang imong isulti ngadto sa akong alagad nga si David, ‘Kini mao ang gisulti sa Ginoo sa mga panon: Gikuha ko ikaw gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

1 Mga Hari 16:2

“Ingon nga ako nagtuboy kanimo gikan sa abog ug naghimo kanimo nga pangulo sa akong katawhan, ang Israel, ug ikaw naglakaw sa dalan ni Jeroboam ug naghimo sa akong katawhan nga Israel sa pagpakasala, naghagit kanako sa pagkasuko pinaagi sa ilang mga sala,

2 Mga Hari 9:6

Busa mitindog siya, ug misulod ngadto sa balay, ug ang batan-on mibubo sa lana ngadto sa iyang ulo ug miingon kaniya, “Kini mao ang gipamulong sa Ginoo, ang Dios sa Israel: Ako nagdihog kanimo ingon nga hari ibabaw sa katawhan sa Ginoo, ang Israel.

Job 1:21

Ug siya miingon, “Hubo ako nga migula gikan sa tiyan sa akong inahan ug hubo ako nga mobalik; ang Ginoo naghatag ug ang Ginoo nagkuha. Bulahan ang ngalan sa Ginoo.”

Job 2:8

Mikuha siya ug usa ka tipik sa kulon nga buak aron maoy iyang ikalot sa iyang kaugalingon, ug milingkod siya taliwala sa mga abo.

Salmo 102:25

Sa dugay nang panahon gipahimutang nimo ang patukoranan sa yuta, ug ang kalangitan mao ang buhat sa imong mga kamot.

Salmo 104:5

Ikaw nagpahiluna sa mga patukoranan sa yuta, aron dili gayod kini matarog.

Salmo 107:41

apan iyang gibangon ang mga kabos gikan sa kalisdanan, ug gihimo ang ilang kabanayan nga sama sa mga panon.

Salmo 24:2

kay siya ang nagpahiluna niini ibabaw sa kadagatan, ug nagpahimutang niini ibabaw sa katubigan.

Salmo 75:3

Sa diha nga ang yuta ug ang tanang mga nagpuyo niini mangalaglag, ako mao ang magsangga sa mga haligi niini. Selah

Salmo 75:4

Nag-ingon ako sa mga mapagarbohon, “Ayaw na pagpasigarbo,” ug sa daotan, “Ayaw na iisa ang inyong sungay;

Salmo 75:7

apan ang Dios mao ang maghukom, ipaubos niya ang usa ug bayawon niya ang usa.

Ecclesiastes 4:14

bisan ug gikan siya sa bilanggoan ug miabot sa trono, o diha sa kaugalingon niyang gingharian natawo siya nga kabos.

Isaias 22:23

Ilansang nako siya sama sa usa ka lansang sa usa ka dapit nga lig-on, ug siya mahimong usa ka trono sa himaya sa balay sa iyang amahan.

Daniel 2:48

Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 6:3

Unya kini si Daniel nahimong inila nga labaw sa mga pangulo ug sa mga tinugyanan kay ang talagsaong katakos diha kaniya ug ang hari naghunahuna sa pagpahiluna kaniya ibabaw sa tibuok nga gingharian.

Mga Hebreo 1:3

Siya ang dan-ag sa himaya sa Dios ug tukma nga hulagway sa iyang kinaiya, nagsapnay sa tanang mga butang pinaagi sa gamhanan nga pagpamulong niya. Sa nahimo na niya ang paghinlo sa mga sala, siya milingkod sa tuo sa Halangdon sa kahitas-an,

Santiago 2:5

Paminaw, hinigugma nakong mga igsoon. Dili ba gipili man sa Dios ang mga kabos dinhi sa kalibotan aron mahimong dato sa pagtuo ug mga manununod sa gingharian nga iyang gisaad sa mga nahigugma kaniya?

Gipadayag 1:6

ug naghimo kanato nga usa ka gingharian, mga pari ngadto sa iyang Dios ug Amahan, iya ang himaya ug ang paggahom hangtod sa kahangtoran. Amen.

Gipadayag 22:5

Ug didto wala nay gabii, ug sila dili na magkinahanglan ug kahayag sa suga o sa adlaw, kay ang Ginoong Dios man ang ilang kahayag, ug sila maghari hangtod sa kahangtoran.

Gipadayag 3:21

Ang magmadaogon tugotan nako sa paglingkod sa akong trono uban kanako, ingon nga ako usab nagmadaogon ug milingkod uban sa akong Amahan diha sa iyang trono.

Gipadayag 5:10

ug gihimo nimo sila nga usa ka gingharian ug mga pari ngadto sa atong Dios, ug sila maghari sa yuta.”

1 Samuel 15:17

Unya si Samuel miingon, “Bisan ug gamay ikaw alang sa imong kaugalingong pagtan-aw, dili ba ikaw ang pangulo sa mga banay sa Israel? Ang Ginoo nagdihog kanimo nga hari ibabaw sa Israel.