1 Samuel 2:5

Ang Biblia 2011

Kadtong mga busog nagpasuhol sa ilang kaugalingon aron makakaon, apan kadtong gigutom, wala na gutoma. Siya nga dili manganak nanganak ug pito apan siya nga daghan ug mga anak nawad-an ug paglaom.

Cross References

Salmo 113:9

Ang babaye nga dili manganak gihatagan niya ug panimalay, naghimo kaniya nga malipayon nga inahan sa mga anak. Dayega ang Ginoo!

Salmo 34:10

Ang gagmayng mga liyon mag-antos sa kawad-on ug kagutom; apan ang mga nangita sa Ginoo dili makulangan sa bisan unsang butang nga maayo.

Isaias 33:9

Ang yuta nagsubo ug nagluya; ang Lebanon nalibog ug nalaya; ang Sharon sama sa usa ka kamingawan; ug ang Basan ug ang Carmel nagyabyab sa ilang mga dahon.

Isaias 54:1

“Pag-awit, O ikaw nga wala manganak; hugyaw diha sa pag-awit ug singgit ug kusog, ikaw nga wala gayod mag-antos sa pagpanganak! Kay labaw pa ka daghan ang mga anak sa biniyaan kay sa mga anak sa minyo nga babaye, nag-ingon ang Ginoo.

Jeremias 15:9

Siya nga nanganak ug pito nagkaluya; siya nakuyapan; ang iyang adlaw misalop na samtang adlawan pa, naulawan siya ug giayran. Ug ang mahibilin kanila akong itugyan ngadto sa espada atubangan sa ilang mga kaaway, nag-ingon ang Ginoo.”

Lucas 1:53

ang mga gigutom iyang gitagbaw sa mga maayong butang, ug ang mga dato iyang gipapahawa nga walay mga dala.

Lucas 16:25

Apan si Abraham mitubag kaniya, ‘Anak, hinumdomi nga sa buhi pa ikaw nakadawat ka sa mga maayo nimong butang ug si Lazaro usab nakadawat sa dili maayong mga butang, apan siya gilipay karon diri, samtang ikaw anaa diha sa kasakit.

Mga Taga-Galacia 4:27

Kay nasulat kini: “Pagsadya, O ikaw nga dili manganak; paghugyaw ug singgit, ikaw nga dili mobati sa kasakit sa pagpanganak; kay ang babaye nga biniyaan daghan pa ug mga anak kay kaniya nga adunay bana.”

Ruth 4:15

Ug alang kanimo siya mahimong tigpahiuli sa kinabuhi ug tiglig-on kanimo sa imong pagkatigulang kay ang imong umagad nga babaye nga nahigugma kanimo nga labaw pang maayo kanimo kay sa pito ka anak nga lalaki, nanganak kaniya.”

1 Samuel 1:20

Sa pag-abot sa tukmang panahon, si Hana nanamkon ug nanganak ug usa ka batang lalaki nga ginganlan niya ug Samuel, tungod kay siya miingon, “Gipangayo nako kining bataa sa Ginoo.”

1 Samuel 1:6

Ang iyang kailog naghagit ug nagbiaybiay kaniya aron siya masuko tungod kay ang Ginoo nagtak-op sa iyang taguangkan.