1 Samuel 2:4

Ang Biblia 2011

Ang mga pana sa mga kusgan nangabali, apan ang mga huyang nalig-on.

Cross References

Salmo 18:39

Kay gibaksan nimo ako sa kusog alang sa gubat; gipaunlod nimo ilalom kanako ang mga nakigbatok kanako.

Salmo 37:15

ang ilang espada molagbas sa ilang kaugalingong kasingkasing, ug ang ilang pana mangabali.

Salmo 37:17

Kay ang mga bukton sa mga daotan balion; apan ang Ginoo magsapnay sa mga matarong.

Salmo 46:10

“Hilom kamo ug ilha ninyo nga ako mao ang Dios. Gibayaw ako taliwala sa mga nasod, gibayaw ako dinhi sa yuta!”

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Salmo 76:3

Didto gipangbunggo niya ang mga nagpangidlap nga udyong, ang taming, ang espada ug ang mga hinagiban sa gubat. Selah

Isaias 10:4

Walay laing mahimo gawas sa pagduko uban sa mga binilanggo, ug mangapukan uban sa mga gipamatay. Bisan pa niining tanan ang iyang kasuko wala mapuypoy ug ang iyang kamot gibakyaw gihapon.

Isaias 40:29

Siya naghatag ug gahom niadtong naluya, ug kaniya nga walay kabaskog nagdugang siya ug kusog.

Jeremias 37:10

Kay bisan pa ug mabuntog ninyo ang tibuok nga kasundalohan sa mga Caldeanhon nga nakig-away batok kaninyo, ug adunay mahibilin lamang kanila nga mga samdan nga mga tawo, ang tanang tawo diha sa iyang tolda, sila mobangon ug sunogon kining siyudad sa kalayo.’ ”

Jeremias 51:56

kay ang tiglaglag miabot kaniya, batok sa Babilonia; ang iyang mga manggugubat nakuha, ang ilang mga pana gipangdugmok; kay ang Ginoo mao ang Dios sa pagpanimalos, mobalos gayod siya.

2 Mga Taga-Corinto 12:9

apan siya miingon kanako, “Ang akong grasya igo alang kanimo kay ang akong gahom gihingpit diha sa kaluyahon.” Sa ingon niana, labaw nakong gikalipay ang pagpasigarbo tungod sa akong mga kaluyahon aron ang gahom ni Cristo molandong nganhi kanako.

Mga Taga-Efeso 6:14

Busa, barog kamo, binaksan ang inyong mga hawak sa kamatuoran ug sinul-ob ang taming sa dughan nga mao ang pagkamatarong,

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Hebreo 11:32

Ug unsa pay uban nga akong isulti? Kay kulang ang akong panahon sa paghisgot mahitungod kang Gideon, kang Barak, kang Samson, kang Jepta, mahitungod kang David ug kang Samuel ug sa mga propeta,

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.