1 Samuel 2:35

Ang Biblia 2011

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.

Cross References

2 Samuel 7:11

sukad sa panahon nga ako nagtudlo ug mga maghuhukom sa akong katawhan nga Israel, ug ako maghatag kaninyo ug pahulay gikan sa tanan ninyong mga kaaway. Dugang pa, ang Ginoo nagsulti kanimo nga ang Ginoo magbuhat kanimo ug usa ka balay.

2 Samuel 7:27

Kay ikaw, O Ginoo sa mga panon, ang Dios sa Israel, mipadayag niini ngadto sa imong sulugoon nga nag-ingon, ‘Ako magtukod alang kanimo ug usa ka balay,’ busa ang imong alagad nakabaton ug kaisog sa paghimo niining pag-ampo kanimo.

1 Mga Hari 1:45

Ug si Zadok nga pari ug si Natan nga propeta nagdihog kaniya ingon nga hari didto sa Gihon ug miabot sila gikan didto nga naglipay, maoy hinungdan sa kabanha sa siyudad. Kini mao ang kabanha nga imong nadungog.

1 Mga Hari 1:8

Apan si Zadok nga pari ug si Benaias anak ni Jehoiada ug si Natan nga propeta ug si Semei ug Rei, ug ang kusgan nga mga tawo ni David wala manguban kang Adonias.

1 Mga Hari 11:38

Ug kon ikaw mamati sa tanan nga akong gisugo kanimo ug maglakaw sa akong mga dalan ug magbuhat sa matarong diha sa akong mga mata, sa pagtuman sa akong mga lagda ug sa akong mga sugo sama sa gihimo ni David nga akong sulugoon, ako mag-uban kanimo ug magtukod kanimo ug usa ka balay nga lig-on, ingon nga ako nagtukod alang kang David, ug ihatag nako ang Israel kanimo.

1 Mga Hari 2:35

Ug ang hari mibutang kang Benaias nga anak ni Jehoiada ibabaw sa kasundalohan ingon nga puli kang Joab, ug ang hari mibutang kang Zadok nga pari ingon nga puli kang Abiatar.

1 Cronicas 29:22

Ug sila nangaon ug nanginom sa atubangan sa Ginoo niadtong adlawa uban sa dakong kalipay. Si Solomon nga anak ni David ilang gihimo nga hari sa ikaduha nga higayon, ug gidihogan nila siya ingon nga pangulo alang sa Ginoo, ug si Zadok ingon nga pari.

Salmo 18:50

Dagkong kadaogan gihatag niya sa iyang hari, ug nagpakita ug gugmang walay paglubad ngadto sa iyang dinihogan, kang David ug sa iyang kaliwatan hangtod sa kahangtoran.

Salmo 2:2

Ang mga hari sa yuta nagpahiluna sa ilang kaugalingon, ug ang mga nagmando nagkasabot batok sa Ginoo ug sa iyang dinihogan, nga nag-ingon,

Exodo 1:21

Ug tungod kay ang mga mananabang nahadlok man sa Dios, gihatagan niya sila ug mga panimalay.

Ezequiel 34:23

Ug ibutang nako ang usa ka tigbantay ibabaw kanila, ang akong alagad nga si David, ug siya magpasibsib kanila. Siya magpasibsib kanila ug siya mahimong ilang tigbantay.

Numeros 25:13

ug kini alang kaniya ug sa iyang kaliwat nga mosunod kaniya, ang kasabotan sa pagkapari nga walay kataposan tungod kay siya adunay kainit alang sa Dios, ug naghimo ug pagtabon sa sala alang sa katawhan sa Israel.’ ”

Mga Hebreo 2:17

Busa kinahanglan nga mahimo siya nga sama sa iyang mga igsoon sa tanang kahimtang, sa tuyo nga mahimo siyang labawng pangulong pari nga maluluy-on ug kasaligan diha sa pagpangalagad sa Dios alang sa kapasayloan sa mga sala sa katawhan.

1 Samuel 10:10

Sa pag-abot nila sa Gibea, dihay usa ka panon sa mga propeta nga misugat kaniya, ug ang Espiritu sa Dios miabot kaniya nga puno sa gahom ug siya nagpropesiya uban kanila.

1 Samuel 10:9

Unya sa pagtalikod ni Saul aron sa pagbiya kang Samuel, ang Dios naghatag kaniya ug lain nga kasingkasing ug kadtong tanan nga mga ilhanan nahitabo niadtong adlawa.

1 Samuel 12:3

Ania ako, pagsaksi kamo batok kanako sa atubangan sa Ginoo ug sa atubangan sa iyang dinihogan. Kang kinsang baka ang akong gikuha? Kang kinsang asno ang akong gikuha? Kinsa ang akong gidaogdaog o kinsa ang akong gilimbongan? Gikan kang kinsang kamot nga ako nagdawat ug suborno aron sa pagbuta sa akong mga mata pinaagi niini? Pagpamatuod kamo batok kanako ug ako mag-uli niana kaninyo.”

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 2:36

Si bisan kinsa nga mahibilin sa imong panimalay moadto aron mangayo kaniya ug plata o usa ka buok pan ug moingon, “Naghangyo ako kanimo, ibutang ako sa usa sa mga luna sa pari aron ako makakaon ug tipik sa pan.” ’ ”

1 Samuel 25:28

Naghangyo ako, pasayloa ang sala sa imong sulugoon nga babaye, kay sa pagkatinuod, ang Ginoo maghimo ug usa ka lig-ong balay alang sa akong agalon tungod kay ang akong agalon nakig-away man diha sa mga gubat sa Ginoo, ug ang daotan dili makaplagan diha kanimo sa tanan nimong mga adlaw.

1 Samuel 3:1

Ang bata nga si Samuel nag-alagad sa Ginoo ubos sa pagdumala ni Eli. Ug ang pulong sa Ginoo talagsa ra niadtong mga adlawa ug dili kanunay ang panan-awon.

1 Samuel 7:9

Busa si Samuel mikuha ug usa ka nagsuso pa nga nating karnero ug gihalad kini ingon nga usa ka tibuok nga halad nga sunogon ngadto sa Ginoo. Ug si Samuel nag-ampo sa Ginoo alang sa Israel ug gitubag siya sa Ginoo.

1 Samuel 8:3

Apan ang iyang mga anak wala mosubay sa iyang mga pamaagi, kondili misimang ngadto sa pagpanapi. Nanawat sila ug suborno ug nagtuis sa hustisya.

1 Samuel 9:12

Sila mitubag, “Ania siya, nag-una siya kaninyo. Pagdali, karon pa lang siya miabot sa siyudad kay ang katawhan may usa ka paghalad karong adlawa sa habog nga dapit.

1 Samuel 9:13

Sa pag-abot ninyo sa siyudad, makit-an ninyo siya sa dili pa siya motungas sa habog nga dapit aron mokaon, kay ang katawhan dili mangaon hangtod nga siya moabot tungod kay kinahanglan nga panalanginan niya ang halad. Pagkahuman niana silang mga dinapit mangaon. Busa karon panungas na kamo kay makita dayon ninyo siya.”