1 Samuel 2:34

Ang Biblia 2011

Kining mahitabo sa imong duha ka anak nga lalaki nga si Hopni ug si Pinehas mao ang ilhanan kanimo. Silang duha mamatay sa mao rang adlaw.

Cross References

1 Mga Hari 13:3

Ug sa maong adlaw siya mihatag ug usa ka ilhanan nga nag-ingon, “Mao kini ang ilhanan nga gipamulong sa Ginoo, ‘Tan-awa, ang halaran bungkagon ug ang mga abo nga anaa niini mayabo.’ ”

1 Mga Hari 14:12

Busa tindog ug lakaw ngadto sa imong balay. Sa pagsulod nimo sa siyudad, ang bata mamatay.

Lucas 2:12

Ug kini mao ang ilhanan alang kaninyo: inyong makit-an ang usa ka gamayng bata nga naputos sa mga bakbak ug naghigda sa pasongan.”

1 Samuel 10:7

Unya sa diha nga kining mga ilhanan moabot na kanimo, buhata ang bisan unsa nga makaplagan sa imong kamot nga buhaton, kay ang Dios nag-uban kanimo.

1 Samuel 2:33

Ang usa kaninyo nga dili nako kuhaon gikan sa akong halaran, ilikay nako sa mga paghilak ug sa kagul-anan ug ang tanan nga sakop sa imong panimalay mamatay pinaagi sa espada.

1 Samuel 3:12

Nianang adlawa buhaton nako batok kang Eli ang tanan nga akong gisulti mahitungod sa iyang panimalay, gikan sa sinugdanan hangtod sa kataposan.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.

1 Samuel 4:17

Siya nga nagdala sa mga balita mitubag, “Ang Israel nanagan gikan sa atubangan sa mga Filistihanon ug may usa usab ka dako nga pagpamatay taliwala sa katawhan, ug ang imong duha usab ka anak nga si Hopni ug si Pinehas nangamatay ug ang sudlanan sa kasabotan sa Dios nailog.”

1 Samuel 4:21

Ug iyang ginganlan ang bata ug Icabod, nga nag-ingon, “Ang himaya nawala gikan sa Israel,” tungod kay ang sudlanan sa kasabotan sa Dios nailog ug tungod sa iyang ugangan nga lalaki ug sa iyang bana.

1 Samuel 4:22

Siya miingon, “Ang himaya nawala gikan sa Israel tungod kay ang sudlanan sa kasabotan sa Dios nailog.”