1 Samuel 2:29

Ang Biblia 2011

Nganong gitamay ninyo ang mga inihaw ug mga halad alang kanako nga akong gisugo, ug nagpasidungog sa imong mga anak nga lalaki labaw kay kanako pinaagi sa pagpatambok sa inyong kaugalingon sa mga piniling bahin sa matag halad sa akong katawhan nga Israel?’

Cross References

2 Mga Hari 12:6

Apan hangtod sa ika-23 nga tuig sa paghari ni Jehoas, wala himoa sa mga pari ang pag-ayo sa balay.

Salmo 26:8

O Ginoo, nahigugma ako sa balay nga imong puluy-anan, ug sa dapit diin magpuyo ang imong himaya.

Ezequiel 13:19

Gipasipalahan ninyo ako taliwala sa akong katawhan tungod sa mga hakop sa sebada ug tungod sa mga tipik sa pan, aron sa pagpatay sa mga kinabuhi nga dili angayng mamatay, ug aron sa pagluwas sa mga kinabuhi nga dili angayng mabuhi, pinaagi sa inyong pagbakak sa akong katawhan nga namati sa kabakakan.

Ezequiel 34:10

Mao kini ang giingon sa Ginoong Dios, Ako batok sa mga tigbantay sa mga karnero ug akong paninglon ang akong mga karnero diha sa ilang kamot ug pahunongon nako sila pagpasibsib sa mga karnero, ug ang mga tigbantay sa karnero dili na magpakaon pag-usab sa ilang kaugalingon. Akong luwason ang akong mga karnero gikan sa ilang baba, aron sila dili mangahimong kan-onon alang kanila.

Ezequiel 34:2

“Anak sa tawo, pagpropesiya batok sa mga tigbantay sa mga karnero sa Israel, pagpropesiya ug sulti kanila, ngadto sa mga tigbantay sa mga karnero, Mao kini ang giingon sa Ginoong Dios: Alaot kamong mga tigbantay sa mga karnero nga nagpakaon hinuon sa inyong kaugalingon! Dili ba nga ang mga tigbantay sa mga karnero magpasibsib man sa mga karnero?

Oseas 4:8

Nagkaon sila diha sa sala sa akong katawhan; sila hangol sa ilang kasal-anan.

Levitico 19:15

“Ayaw paghimo ug dili makataronganong paghukom; ayaw paglaban sa kabos o magdapig sa tawo nga gamhanan, kondili diha sa pagkamatarong maghukom ikaw sa imong isigkatawo.

Miqueas 3:5

Mao kini ang giingon sa Ginoo mahitungod sa mga propeta nga nagpahisalaag sa akong katawhan, nga nagsinggit, “Pakigdait” sa diha nga aduna silay makaon, apan nagpahayag ug gubat batok kaniya nga walay ikabutang sa ilang mga baba.

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Mateo 22:16

Ug gipaadto nila ang ilang mga tinun-an ngadto kaniya kinuyogan sa mga Herodianhon sa pag-ingon, “Magtutudlo, nasayod kami nga ikaw matinud-anon ug nagtudlo sa dalan sa Dios subay sa kamatuoran ug nga ikaw wala magsapayan sa tawo kay wala man ikaw magtan-aw sa panagway sa mga tawo.

Lucas 14:26

“Kon adunay tawo nga moari kanako ug dili siya magdumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.

2 Mga Taga-Corinto 5:16

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Deuteronomio 33:9

Siya nag-ingon mahitungod sa iyang amahan ug sa iyang inahan, ‘Wala ako magtahod kanila’; Wala siya moila sa iyang mga igsoon ug wala magpakabana sa iyang mga anak. Kay sila nagbantay sa imong pulong ug nagtuman sa imong kasabotan.

Santiago 3:17

Apan ang kaalam nga gikan sa kahitas-an una sa tanan putli, unya makidaiton, malumo, mamati ug katarongan, puno sa kaluoy ug sa mga maayong bunga, walay pinalabi ug dili tigpakaaron-ingnon.

Josue 18:1

Unya ang tibuok nga katilingban sa katawhan sa Israel nagtigom didto sa Silo ug gipatindog ang tolda nga tagboanan. Ang yuta ilang nabuntog sa ilang atubangan.

1 Samuel 3:13

Kay ako nagsulti kaniya nga ang iyang panimalay hapit na nako silotan hangtod sa kahangtoran tungod sa ilang sala nga iyang nahibaloan, kay ang iyang mga anak nga lalaki nagpasipala sa Dios ug wala siya magpugong kanila.