1 Samuel 2:27

Ang Biblia 2011

Dihay usa ka tawo sa Dios nga miadto kang Eli ug miingon, “Mao kini ang giingon sa Ginoo, ‘Nagpakita ako sa akong kaugalingon ngadto sa balay sa imong amahan sa didto pa sila sa Ehipto, sa dihang ulipon pa sila sa balay sa Paraon.

Cross References

1 Mga Hari 13:1

Unya dihay usa ka tawo sa Dios nga miadto sa Betel gikan sa Juda pinaagi sa pulong sa Ginoo samtang si Jeroboam nagtindog duol sa halaran aron sa pagsunog ug insenso.

1 Mga Hari 2:27

Busa gipapahawa ni Solomon si Abiatar gikan sa iyang pagkapari sa Ginoo aron matuman ang pulong sa Ginoo nga iyang gipamulong mahitungod sa balay ni Eli didto sa Silo.

Exodo 12:1

Ang Ginoo miingon kang Moises ug kang Aaron didto sa yuta sa Ehipto,

Exodo 12:43

Unya ang Ginoo miingon kang Moises ug kang Aaron, “Kini mao ang tulumanon sa Kasaulogan sa Pagsaylo. Kinahanglan nga walay langyaw nga mokaon niini.

Exodo 4:27

Unya ang Ginoo miingon kang Aaron, “Adto sa kamingawan aron sa pagsugat kang Moises.” Ug siya miadto ug misugat kang Moises didto sa bukid sa Dios ug mihalok kaniya.

Deuteronomio 33:1

Ug mao kini ang panalangin nga gipanalangin ni Moises nga tawo sa Dios ngadto sa katawhan sa Israel sa wala pa ang iyang kamatayon.

1 Timoteo 6:11

Apan ikaw, O tawo sa Dios, pahilayo niining mga butanga; paningkamoti ang pagkamalahutayon, pagkadiosnon, pagtuo, paghigugma, pagkamainantoson, pagkaaghop.

2 Pedro 1:21

tungod kay walay propesiya nga miabot pinaagi sa kabubut-on sa tawo apan minandoan sa Espiritu Santo, ang mga tawo nagsulti gikan sa Dios.

Mga Maghuhukom 13:6

Unya ang babaye miadto ug misugilon sa iyang bana, “Usa ka tawo sa Dios mianhi kanako ug ang iyang dagway sama sa dagway sa anghel sa Dios, makalilisang kaayo; wala ako mangutana kaniya kon diin siya gikan, ug wala siya mosulti kanako sa iyang ngalan.

Mga Maghuhukom 6:8

ang Ginoo nagpadala ug usa ka propeta ngadto sa katawhan sa Israel ug siya miingon kanila, “Mao kini ang gisulti sa Ginoo, ang Dios sa Israel: Ako nagdala kaninyo gikan sa Ehipto ug gikuha kamo nako gikan sa balay sa kaulipnan,

1 Samuel 3:12

Nianang adlawa buhaton nako batok kang Eli ang tanan nga akong gisulti mahitungod sa iyang panimalay, gikan sa sinugdanan hangtod sa kataposan.

1 Samuel 9:4

Milatas sila sa kabungtoran sa Efraim, ug sa yuta sa Salisa apan wala nila kini makit-i. Ug miadto sila sa yuta sa Saalim ug wala gihapon kini didto. Unya milatas sila sa yuta sa Benjamin apan wala gayod nila makit-i ang mga asno.

1 Samuel 9:6

Apan siya miingon kaniya, “Adunay usa ka tawo sa Dios dinhi niining siyudara ug siya tinamod. Ang tanan niyang isulti, mahitabo gayod. Mangadto kita kay basin pa diay ug makasulti siya kanato sa atong panaw kon asa kita mangadto.”