1 Samuel 2:22

Ang Biblia 2011

Niining higayona si Eli tigulang na kaayo ug nadungog niya ang tanan nga gibuhat sa iyang mga anak nga lalaki sa tibuok Israel, ug giunsa nila sa pagdulog sa mga babaye nga nag-alagad didto sa ganghaan sa tolda nga tagboanan.

Cross References

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

Genesis 37:2

Kini mao ang kasaysayan sa banay ni Jacob. Si Jose nga nagpanuigon ug napulo ug pito ka tuig nag-atiman sa mga panon sa kahayopan uban sa iyang mga igsoon nga lalaki. Siya nakig-uban sa mga anak nga lalaki ni Bilha ug sa mga anak nga lalaki ni Zilpa, mga asawa sa iyang amahan, ug si Jose nagdala ug dili maayong taho ngadto sa iyang amahan mahitungod kanila.

Exodo 38:8

Gibuhat niya ang planggana gikan sa bronsi ug ang tungtonganan niini gikan sa bronsi, gikan sa mga salamin sa mga babaye nga nag-alagad diha sa pultahan sa tolda nga tagboanan.

Ezequiel 22:26

Ang iyang mga pari naglapas sa akong balaod ug nagpasipala sa akong mga balaang butang. Wala sila magbutang ug kalainan sa balaan ug sa kasarangan, o magtudlo sila sa kalainan sa hugaw ug sa hinlo, ug wala sila magtamod sa akong mga adlawng igpapahulay mao nga ako gipasipalahan diha sa ilang taliwala.

1 Samuel 2:23

Ug siya miingon kanila, “Nganong naghimo kamo nianang mga butanga? Kay nadungog nako ang inyong daotang mga binuhatan gikan sa tanang katawhan.

1 Samuel 3:13

Kay ako nagsulti kaniya nga ang iyang panimalay hapit na nako silotan hangtod sa kahangtoran tungod sa ilang sala nga iyang nahibaloan, kay ang iyang mga anak nga lalaki nagpasipala sa Dios ug wala siya magpugong kanila.

1 Samuel 8:1

Unya sa diha nga si Samuel tigulang na, gihimo niya ang iyang mga anak nga lalaki nga mga maghuhukom sa Israel.