1 Samuel 2:18

Ang Biblia 2011

Si Samuel nag-alagad sa atubangan sa Ginoo, nagsul-ob siya ug ephod nga lino.

Cross References

2 Samuel 6:14

Ug si David misayaw sa atubangan sa Ginoo sa tibuok niyang kusog ug si David gibaksan ug usa ka lino nga ephod.

1 Cronicas 15:27

Si David gisul-oban ug usa ka bisti nga pinong lino ug ang tanan usab nga mga Levihanon nga nagdala sa sudlanan sa kasabotan, ang mga mag-aawit, ug si Kenanias nga pangulo sa musika sa mga mag-aawit, ug si David nagsul-ob ug usa ka ephod nga lino.

Exodo 28:4

Mao kini ang mga bisti nga buhaton nila: ang tabon sa dughan, ang ephod, ang sutana, ang bisti nga binurdahan, ang purong ug ang bakos. Magbuhat sila ug mga bisti nga balaan alang kang Aaron nga imong igsoon, ug sa iyang mga anak nga lalaki aron mag-alagad sila kanako ingon nga mga pari.

Levitico 8:7

Ug iyang gisul-ob kang Aaron ang bisti, ug gibakos kaniya ang bakos, ug gisul-ob kaniya ang sutana, ug gipahimutang ang ephod, ug iyang gibakos kaniya ang maayong pagkahabol nga bakos sa ephod ug kini gihigot kaniya.

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 2:11

Unya si Elkana mipauli ngadto sa iyang balay sa Rama. Ug ang bata nag-alagad sa Ginoo uban sa pari nga si Eli.

1 Samuel 2:28

Nagpili ako kaniya gikan sa tanang banay sa Israel aron mahimo nga akong pari, sa pag-adto sa halaran, sa pagsunog ug insenso, ug sa pagsul-ob ug ephod sa akong atubangan. Ug gihatag nako sa balay sa imong amahan ang tanang mga halad nga gihimo pinaagi sa kalayo gikan sa katawhan sa Israel.

1 Samuel 22:18

Unya ang hari miingon kang Doeg, “Liso ug hasmagi ang mga pari.” Ug si Doeg nga Edomhanon miliso ug iyang gihasmagan ang mga pari ug nakapatay siya niadtong adlawa ug 85 ka tawo nga nagsul-ob ug ephod nga lino.

1 Samuel 3:1

Ang bata nga si Samuel nag-alagad sa Ginoo ubos sa pagdumala ni Eli. Ug ang pulong sa Ginoo talagsa ra niadtong mga adlawa ug dili kanunay ang panan-awon.