1 Samuel 2:1

Ang Biblia 2011

Unya si Hana nag-ampo ug miingon, “Ang akong kasingkasing naghimaya diha sa Ginoo; ang akong kusog nabayaw diha sa Ginoo. Ang akong baba nagtamay sa akong mga kaaway, kay nalipay man ako sa imong pagluwas.

Cross References

2 Cronicas 20:27

Unya ang matag tawo sa Juda ug sa Jerusalem, ug si Jehosafat ang nag-una kanila, namauli sa Jerusalem uban sa kalipay kay ang Ginoo naghimo kanilang malipayon batok sa ilang mga kaaway.

Nehemias 11:17

ug si Matanias nga anak ni Mica nga anak ni Zabdi nga anak ni Asaf nga mao ang pangulo sa pagsugod sa mga pagpasalamat diha sa pag-ampo, ug si Bakbukias ang ikaduha diha sa iyang mga kaigsoonan, ug si Abda nga anak ni Samua nga anak ni Galal nga anak ni Jedutun.

Job 16:15

Nagtahi ako ug sako nga bisti aron itabon sa akong panit, ug gibutang nako ang akong kusog diha sa abog.

Salmo 118:14

Ang Ginoo mao ang akong kalig-on ug ang akong awit; siya nahimo nga akong kaluwasan.

Salmo 13:5

Apan sa imong gugmang walay paglubad nagsalig ako; ang akong kasingkasing maglipay tungod sa imong pagluwas.

Salmo 148:14

Nagpatindog siya ug usa ka sungay alang sa iyang katawhan, pagdayeg alang sa tanan niyang mga balaan, alang sa katawhan sa Israel nga duol kaniya. Dayega ang Ginoo!

Salmo 18:2

Ang Ginoo mao ang akong bato ug ang akong kuta ug ang akong manluluwas, akong Dios, akong bato nga diha kaniya ako midangop, akong taming, ug sungay sa akong kaluwasan, akong lig-ong salipdanan.

Salmo 20:5

Magmaya unta kami diha sa imong kadaogan, ug sa ngalan sa among Dios magpakayab kami sa among mga bandila! Tumanon unta sa Ginoo ang tanan nimong gipangayo!

Salmo 21:2

Ikaw naghatag kaniya sa tinguha sa iyang kasingkasing, ug wala ikaw magdumili sa hangyo sa iyang mga ngabil. Selah

Salmo 35:9

Unya ang akong kalag maglipay diha sa Ginoo, magmaya diha sa iyang pagluwas.

Salmo 51:15

O Ginoo, abliha ang akong mga ngabil, ug ang akong baba magpadayag sa pagdayeg kanimo.

Salmo 71:8

Ang akong baba napuno sa pagdayeg kanimo, ug sa paghimaya kanimo sa tibuok nga adlaw.

Salmo 75:10

Putlon nako ang tanang mga sungay sa mga tawong daotan, apan ang mga sungay sa mga matarong bayawon.

Salmo 89:17

Kay ikaw mao ang himaya sa ilang kalig-on; pinaagi sa imong kaluoy ang among sungay bayawon.

Salmo 89:18

Kay ang atong taming iya sa Ginoo, ang atong hari iya sa Balaan sa Israel.

Salmo 89:24

Ang akong pagkamatinumanon ug ang akong gugmang walay paglubad mag-uban kaniya, ug diha sa akong ngalan bayawon ang iyang sungay.

Salmo 9:14

aron ipahayag nako ang tanan nga pagdayeg kanimo, diha sa mga ganghaan sa anak nga babaye sa Zion, ako maglipay diha sa imong pagluwas.

Salmo 92:10

Apan gibayaw nimo ang akong sungay sama sa sungay sa ihalas nga baka; gidihogan nimo ako ug bag-o nga lana.

Exodo 15:1

Unya si Moises ug ang katawhan sa Israel miawit niini nga alawiton ngadto sa Ginoo, “Awitan nako ang Ginoo, kay siya midaog nga mahimayaon; ang kabayo ug ang nagkabayo niini gitambog niya sa dagat.

Exodo 15:21

Ug si Miriam miawit alang kanila, “Pag-awit kamo sa Ginoo, kay siya midaog nga mahimayaon; ang kabayo ug ang nagkabayo niini gipangtambog ngadto sa dagat.”

Habacuc 3:1

Ang pag-ampo ni Habakuk nga propeta sumala sa Sigionot.

Habacuc 3:18

apan bisan pa niana maglipay ako diha sa Ginoo, magmalipayon ako diha sa Dios sa akong kaluwasan.

Lucas 1:69

Alang kanato iyang gipatindog ang usa ka gamhanang Manluluwas diha sa banay ni David nga iyang alagad,

Roma 5:11

Ug dili lamang kay kini ra, kondili nga nagmalipayon usab kita diha sa Dios pinaagi sa atong Ginoong Jesu-Cristo, nga pinaagi kaniya nadawat nato karon ang pasig-uli.

Deuteronomio 33:17

Ang iyang kahalangdon sama sa kamagulangan sa torong baka ug ang iyang mga sungay mga sungay sa baka nga ihalas; pinaagi niini itulod niya ang katawhan, ang tanan ngadto sa mga kinatumyan sa kalibotan; kini sila mao ang napulo ka libo ni Efraim, ug kini sila mao ang mga linibo ni Manases.”

Mga Taga-Filipos 3:3

Kay kita mao ang mga tinuli, kita nagsimba sa Espiritu sa Dios, ug nagpasigarbo diha kang Cristo Jesus ug wala magsalig sa unod.

Mga Taga-Filipos 4:4

Paglipay kamo kanunay diha sa Ginoo; usbon nako pag-ingon, paglipay kamo.

Mga Taga-Filipos 4:6

Ayaw kamo kabalaka mahitungod sa bisan unsang butang, apan sa tanang butang ipahibalo ninyo sa Dios ang inyong mga hangyo pinaagi sa pag-ampo ug sa pagpangamuyo uban ang pagpasalamat.

1 Pedro 1:8

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

Gipadayag 18:20

Paglipay kamo tungod kaniya, O kalangitan, O mga balaan ug mga apostoles ug mga propeta, kay alang kaninyo gipakanaog na sa Dios ang hukom batok kaniya!”

1 Samuel 1:6

Ang iyang kailog naghagit ug nagbiaybiay kaniya aron siya masuko tungod kay ang Ginoo nagtak-op sa iyang taguangkan.

1 Samuel 1:7

Ug kini nagpadayon matag tuig, sa matag higayon nga siya moadto sa balay sa Ginoo, hagiton siya sa pagkasuko. Tungod niini, si Hana mihilak ug wala mokaon.