1 Samuel 19:5

Ang Biblia 2011

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”

Cross References

2 Samuel 23:10

Siya mitindog ug gipanigbas ang mga Filistihanon hangtod nga ang iyang kamot naluya, ug ang iyang kamot mitapot sa espada ug ang Ginoo naghimo ug usa ka dakong pagdaog niadtong adlawa ug ang katawhan namalik aron lamang manguha ug kasangkapan sa mga nangamatay.

1 Cronicas 11:14

Apan siya nagtindog lamang sa iyang gibarongan taliwala sa maong yuta ug gipanalipdan kini ug gipatay ang mga Filistihanon ug ang Ginoo nagluwas kanila pinaagi sa usa ka dakong kadaogan.

1 Cronicas 11:18

Unya ang tulo misulod sa taliwala sa panon sa mga Filistihanon, ug nagkuha ug tubig gikan sa atabay sa Betlehem, nga didto duol sa ganghaan, ug gidala kini ngadto kang David. Apan si David wala moinom niini, kondili gibubo niya kini alang sa Ginoo,

Salmo 109:5

Busa sila mibalos kanako ug daotan alang sa maayo ug pagdumot alang sa akong gugma.

Salmo 119:109

Ang akong kinabuhi ania kanunay sa akong kamot, apan wala nako kalimti ang imong Balaod.

Salmo 25:3

Wala untay maulawan sa mga naglaom diha kanimo; maulawan unta kadtong nagbudhi nga walay hinungdan.

Salmo 69:4

Daghan pa kay sa buhok sa akong ulo ang mga nagdumot kanako sa walay hinungdan; gamhanan kadtong buot molaglag kanako, kadtong miasdang kanako pinaagi sa mga bakak. Kinahanglan ba nakong iuli ang wala nako kawata?

Salmo 94:21

Naghiusa sila batok sa kinabuhi sa matarong, ug gihukman nila nga patyon ang walay sala.

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Jeremias 26:15

Apan hibaloi lamang gayod ninyo nga kon patyon ninyo ako, magdala kamo ug dugo nga walay sala nganha sa inyong kaugalingon ug niining siyudad ug sa mga nagpuyo niini kay sa pagkatinuod, ang Ginoo nagpadala kanako nganhi kaninyo aron sa pagsulti niining tanang mga pulong diha sa inyong mga igdulungog.”

Mateo 27:24

Busa sa pagtan-aw ni Pilato nga wala siyay mahimo ug nagsugod na hinuon ang kagubot, mikuha siya ug tubig ug sa atubangan sa panon sa katawhan nanghunaw siya sa iyang mga kamot nga nag-ingon, “Wala akoy sala sa dugo niining tawhana, inyo na kanang tulubagon.”

Mateo 27:4

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

Juan 15:25

Kini aron matuman ang pulong nga nasulat sa ilang balaod, ‘Nagdumot sila kanako sa walay hinungdan.’

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Taga-Filipos 2:30

kay hapit siya mamatay alang sa buluhaton ni Cristo, nagtahan sa iyang kinabuhi aron sa paghulip sa inyong pag-alagad kanako.

Mga Hebreo 2:3

unsaon man nato sa pag-ikyas kon dili kita manumbaling sa maong dako kaayong kaluwasan? Kini sa sinugdan gipamulong sa Ginoo, ug unya nganhi kanato gipamatud-an nila nga mga nakadungog kaniya.

Mga Maghuhukom 12:3

Sa diha nga akong nakita nga kamo dili buot moluwas kanako, gibutang nako ang akong kinabuhi sa akong kamot, ug mitabok batok sa mga Amonihanon ug ang Ginoo nagtugyan kanila nganhi sa akong kamot. Busa ngano nga mianhi man kamo kanako niining adlawa aron sa pagpakig-away batok kanako?”

Mga Maghuhukom 9:17

kay ang akong amahan nakig-away alang kaninyo ug gitahan ang iyang kinabuhi ug nagluwas kaninyo gikan sa kamot sa Midian.

1 Samuel 11:13

Apan si Saul miingon, “Walay usa ka tawo nga patyon niining adlawa kay karong adlawa ang Ginoo naghimo ug kaluwasan sa Israel.”

1 Samuel 14:45

Unya ang katawhan miingon kang Saul, “Mamatay ba gayod si Jonatan nga naghimo niining dakong kadaogan sa Israel? Ipahilayo kana. Ingon nga buhi ang Ginoo, walay usa ka lugas nga buhok sa iyang ulo nga matagak sa yuta kay siya nagbuhat uban sa Dios niining adlawa.” Busa ang katawhan milukat kang Jonatan, mao nga wala siya mamatay.

1 Samuel 19:6

Si Saul namati sa tingog ni Jonatan ug si Saul nanumpa, “Ingon nga ang Ginoo buhi, siya dili patyon.”

1 Samuel 20:32

Unya si Jonatan mitubag kang Saul nga iyang amahan, “Nganong patyon man siya? Unsay iyang nabuhat?”

1 Samuel 22:14

Unya si Ahimelek mitubag sa hari, “Ug si kinsa sa tanan nimong mga sulugoon ang matinumanon sama kang David nga umagad sa hari, ug pangulo sa imong mga bantay ug tinahod sa imong balay?

1 Samuel 28:21

Ug ang babaye miadto kang Saul. Ug sa pagkakita niya nga siya nalisang, siya miingon kaniya, “Ania ang imong sulugoon nga babaye namati sa imong tingog, ug gibutang nako ang akong kinabuhi sa akong kamot ug namati sa imong gisulti kanako.