1 Samuel 19:23

Ang Biblia 2011

Ug siya miadto sa Naiot sa Rama ug ang Espiritu sa Dios miabot usab kaniya, ug samtang nagpadayon siya paglakaw nagpropesiya siya hangtod nga miabot siya didto sa Naiot sa Rama.

Cross References

Mga Panultihon 16:9

Ang kasingkasing sa tawo maglaraw sa iyang pamaagi, apan ang Ginoo magmando sa iyang mga lakang.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Numeros 23:5

Ug ang Ginoo nagbutang ug pulong diha sa baba ni Balaam ug miingon, “Balik ngadto kang Balak ug mao kini ang imong isulti.”

Numeros 24:2

Ug giyahat ni Balaam ang iyang mga mata ug nakita niya ang Israel nga nagkampo sumala sa ilang mga banay ug ang Espiritu sa Dios mikunsad kaniya.

Mateo 7:22

Daghan unya ang moingon kanako nianang adlawa, ‘Ginoo, Ginoo, dili ba nga sa imong ngalan nagpropesiya man kami ug sa imong ngalan kami naghingilin sa mga demonyo ug nga sa imong ngalan naghimo sa daghang mga milagro?’

Juan 11:51

Gisulti niya kini dili gikan sa iyang kaugalingon kondili ingon nga siya ang labawng pangulong pari niadtong tuiga, siya nagpropesiya nga si Jesus mamatay alang sa nasod,

1 Mga Taga-Corinto 13:2

Ug kon ako adunay gahom pagpropesiya, ug makasabot sa tanang mga misteryo ug sa tanang kahibalo, ug kon ako adunay hingpit nga pagtuo nga makapabalhin ug mga bukid, apan walay gugma, ako walay kapuslanan.

1 Samuel 10:10

Sa pag-abot nila sa Gibea, dihay usa ka panon sa mga propeta nga misugat kaniya, ug ang Espiritu sa Dios miabot kaniya nga puno sa gahom ug siya nagpropesiya uban kanila.

1 Samuel 10:12

Ug usa ka tawo niadtong dapita mitubag, “Ug si kinsa ang ilang amahan?” Busa nahimo kining usa ka panultihon, “Usa ba usab si Saul sa mga propeta?”

1 Samuel 10:6

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.

1 Samuel 18:10

Sa pagkaugma, usa ka daotang espiritu gikan sa Dios miabot nga makusganon diha kang Saul ug siya nagsalimoang sulod sa balay samtang si David nagtugtog sa iyang alpa ingon sa iyang gibuhat matag adlaw. Ug dihay bangkaw sa kamot ni Saul.

1 Samuel 19:18

Busa si David mipalayo ug miikyas ug miadto kang Samuel sa Rama, ug misugilon kaniya sa tanang gihimo ni Saul kaniya. Ug siya ug si Samuel nangadto ug mipuyo sa Naiot.

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.

1 Samuel 19:22

Unya siya na gayod ang miadto sa Rama, ug miabot siya sa dakong atabay nga diha sa Secu ug siya nangutana, “Hain ba si Samuel ug si David?” Ug dihay miingon, “Sila atua sa Naiot sa Rama.”