1 Samuel 19:11

Ang Biblia 2011

Si Saul nagpadala ug mga sinugo ngadto sa balay ni David aron sa pagbantay kaniya ug sa pagpatay kaniya sa pagkabuntag. Apan si Mical nga asawa ni David, misulti kaniya, “Kon dili nimo luwason ang imong kinabuhi karong gabhiona patyon ikaw ugma.”

Cross References

2 Samuel 3:13

Ug siya miingon, “Maayo, ako maghimo ug kasabotan uban kanimo, apan usa ka butang ang akong pangayoon gikan kanimo, nga dili ikaw makakita sa akong nawong gawas kon ikaw magdala kang Mical nga anak ni Saul, sa diha nga ikaw moanhi sa pagtan-aw sa akong nawong.”

Mga Maghuhukom 16:2

Ang mga Gazahanon gisuginlan, “Si Samson mianhi.” Ug ilang gilibotan ang dapit ug giatngan siya sa tibuok gabii didto sa ganghaan sa siyudad. Naghilom sila sa tibuok gabii nga nag-ingon, “Magpaabot kita hangtod sa kabuntagon unya patyon nato siya.”

1 Samuel 19:20

Unya si Saul nagpadala ug mga sinugo aron sa pagpakuha kang David, ug sa pagkakita nila sa panon sa mga propeta nga nagpropesiya ug kang Samuel nga nagtindog ingon nga ilang pangulo, ang Espiritu sa Dios miabot sa ibabaw sa mga sinugo ni Saul ug sila usab nagpropesiya.

1 Samuel 20:31

Kay samtang ang anak ni Jesse buhi sa ibabaw sa yuta, ikaw o ang imong gingharian dili mapahiluna. Busa karon pasugoi ug dad-a siya ngari kanako, kay siya mamatay gayod.”