1 Samuel 19:10

Ang Biblia 2011

Si Saul nangita ug paagi sa pagtuhog kang David ngadto sa bungbong pinaagi sa iyang bangkaw, apan nakalikay siya kang Saul, busa mitaroy ang bangkaw diha sa bungbong. Ug si David mipalayo ug miikyas niadtong gabhiona.

Cross References

Salmo 124:7

Nakaikyas kita sama sa langgam nga gikan sa lit-ag sa mga mangangayam; ang lit-ag nabungkag, ug kita nakalingkawas!

Salmo 18:17

Giluwas niya ako gikan sa akong kusgan nga kaaway, ug gikan niadtong mga nagdumot kanako; kay sila hilabihan man ka kusgan alang kanako.

Salmo 34:19

Daghan ang mga kagul-anan sa matarong; apan ang Ginoo magluwas kaniya gikan nianang tanan.

Salmo 37:32

Ang daotan magbantay sa mga matarong ug magtinguha sa pagpatay kaniya.

Mga Panultihon 1:16

kay ang ilang mga tiil nagdagan padulong sa kadaotan ug sila nagdali aron sa pag-ula ug dugo.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 54:17

walay hinagiban nga gibuhat batok kanimo nga magmalamposon, ug imong pamatud-an nga sayop ang matag dila nga maghukom batok kanimo. Kini mao ang panulundon sa mga sulugoon sa Ginoo, ug ang ilang pagkamatarong nga gikan kanako, nag-ingon ang Ginoo.”

Oseas 6:4

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Mateo 10:23

Sa diha nga lutoson kamo nila didto sa usa ka lungsod, pangagiw kamo ngadto sa sunod kay sa pagkatinuod sultihan ko kamo nga sa dili pa gani ninyo mahurot paglibot ang tanang kalungsoran sa Israel, ang Anak sa Tawo moabot na.

Lucas 4:30

Apan agi sa taliwala nila, milakaw siya.

Juan 10:39

Ug siya ila na usab nga gisulayan sa pagdakop, apan siya miikyas gikan sa ilang mga kamot.

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

1 Samuel 18:10

Sa pagkaugma, usa ka daotang espiritu gikan sa Dios miabot nga makusganon diha kang Saul ug siya nagsalimoang sulod sa balay samtang si David nagtugtog sa iyang alpa ingon sa iyang gibuhat matag adlaw. Ug dihay bangkaw sa kamot ni Saul.

1 Samuel 18:11

Ug gilabay ni Saul ang bangkaw kay siya naghunahuna, “Akong tuhugon si David diha sa bungbong.” Apan si David milikay gikan kaniya sa makaduha.

1 Samuel 19:6

Si Saul namati sa tingog ni Jonatan ug si Saul nanumpa, “Ingon nga ang Ginoo buhi, siya dili patyon.”

1 Samuel 20:33

Apan gilabay ni Saul ang iyang bangkaw aron sa pagbangkaw kaniya. Tungod niana nahibaloan ni Jonatan nga ang iyang amahan nagtinguha sa pagpatay kang David.