1 Samuel 18:8

Ang Biblia 2011

Busa si Saul nasuko sa hilabihan gayod ug kining pulonga wala makapahimuot kaniya ug siya miingon, “Gipahinungod nila kang David ang tagnapulo ka libo ug kanako ilang gipahinungod ang mga linibo lamang, ug unsa pay lain nga maiya kondili ang gingharian?”

Cross References

Genesis 37:11

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Genesis 37:8

Ug ang iyang mga igsoon miingon kaniya, “Maghari ba diay ikaw kanamo? Ug magmando ba diay ikaw kanamo?” Ug misamot pa gayod ang ilang pagdumot kaniya tungod sa iyang mga damgo ug sa iyang mga pulong.

1 Mga Hari 2:22

Si Hari Solomon mitubag sa iyang inahan, “Ug nganong nangayo man ikaw kang Abisag nga Sunamihanon alang kang Adonias? Pangayoa usab alang kaniya ang gingharian, kay siya magulang man nako nga igsoon ug dapig kaniya sila si Abiatar nga pari ug si Joab nga anak ni Zeruia.”

Ester 3:5

Ug sa nakita ni Haman nga si Mardoqueo wala moyukbo o magtahod kaniya, si Haman napuno sa kaligutgot.

Mga Panultihon 13:10

Tungod sa pagkamapahitas-on, ang gahi ug ulo maghimo ug kasamok, apan kanila nga magpatambag anaa ang kaalam.

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Numeros 11:1

Unya ang katawhan nagbagulbol diha sa pangdungog sa Ginoo mahitungod sa ilang kalisdanan. Ug sa dihang nadungog kini sa Ginoo, misilaob ang iyang kasuko ug midilaab batok kanila ang kalayo sa Ginoo ug milamoy sa mga daplin nga bahin sa kampo.

Numeros 22:34

Ug si Balaam miingon sa anghel sa Ginoo, “Nakasala ako, kay ako wala mahibalo nga ikaw nagtindog sa dalan aron sa pagsanta kanako. Busa karon, kon kini daotan sa imong panan-aw, mobalik ako.”

Santiago 4:5

Naghunahuna ba kamo nga ang kasulatan nag-ingon sa walay hinungdan, “Uban sa pangabubho, siya nangandoy sa espiritu nga nagpuyo sa sulod nato”?

1 Samuel 13:14

Apan karon ang imong gingharian dili magpadayon. Ang Ginoo nangita alang kaniya ug usa ka tawo nga uyon sa iyang kaugalingong kasingkasing ug ang Ginoo nagpili kaniya aron mahimong pangulo ibabaw sa iyang katawhan, tungod kay ikaw wala magtuman sumala sa gisugo sa Ginoo kanimo.”

1 Samuel 15:28

Ug si Samuel miingon kaniya, “Ang Ginoo naggisi sa gingharian sa Israel gikan kanimo niining adlawa ug naghatag niini sa usa ka silingan nimo nga maayo pa kay kanimo.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

1 Samuel 18:9

Sukad niadtong adlawa gipanid-an ni Saul si David.

1 Samuel 19:1

Unya si Saul misulti kang Jonatan nga ang iyang anak ug sa tanan niyang mga sulugoon nga ilang patyon si David. Apan si Jonatan nga anak ni Saul nalipay pag-ayo kang David.

1 Samuel 20:31

Kay samtang ang anak ni Jesse buhi sa ibabaw sa yuta, ikaw o ang imong gingharian dili mapahiluna. Busa karon pasugoi ug dad-a siya ngari kanako, kay siya mamatay gayod.”