1 Samuel 18:6

Ang Biblia 2011

Samtang namauli sila, human mapatay ni David ang Filistihanon, ang mga babaye nanggula gikan sa tanang siyudad sa Israel nga nag-awit ug nagsayaw aron sa pagsugat kang Hari Saul, uban ang mga gagmayng tambor, uban sa kalipay, uban sa mga awit sa mga tulunggon sa paghoni.

Cross References

2 Samuel 1:20

Ayaw kini isugilon sa Gat, ayaw kini ibalita sa mga kadalanan sa Askelon; tingali unya ug ang mga anak nga babaye sa mga Filistihanon mangalipay, tingali unya ug ang mga anak nga babaye sa mga dili tinuli manghugyaw.

2 Samuel 6:5

Si David ug ang tibuok banay sa Israel naghudyaka sa atubangan sa Ginoo uban sa tanan nilang kusog, uban ang mga alawiton, mga lira, mga alpa, mga tambor mga kastanyeta ug mga piyangpiyang.

Salmo 149:3

Ipadayeg kanila ang iyang ngalan uban sa pagsayaw, mag-awit kaniya pinaagi sa gagmay nga tambor ug sa alpa!

Salmo 68:11

Ang Ginoo naghatag sa mando; dako ang panon sa mga nagsangyaw sa balita:

Salmo 68:25

ang mga mag-aawit nag-una, ang mga tigtugtog nagsunod, sa taliwala nila ang mga dalaga nga nagtugtog sa mga gagmayng tambor:

Exodo 15:20

Unya si Miriam, ang babayeng propeta nga igsoon ni Aaron, mikuha ug tambor, ug ang tanang mga babaye misunod kaniya nga may mga tambor ug nanayaw sila.

Exodo 15:21

Ug si Miriam miawit alang kanila, “Pag-awit kamo sa Ginoo, kay siya midaog nga mahimayaon; ang kabayo ug ang nagkabayo niini gipangtambog ngadto sa dagat.”

Isaias 30:32

Ug matag hampak sa sungkod nga igsisilot nga ipahamtang sa Ginoo kanila, duyogan sa tingog sa mga tambor ug sa mga lira, ug diha sa mga gubat uban sa pagwarawara sa iyang bukton, makig-away siya kanila.

Mga Maghuhukom 11:34

Unya si Jefta miabot sa iyang balay sa Mispa ug nakita niya ang iyang anak nga babaye nga migula aron sa pagsugat kaniya uban ang mga tulunggon ug mga pagsayaw. Bugtong siya nga anak niya; gawas kaniya wala siyay anak nga lalaki o anak nga babaye.

1 Samuel 18:5

Ug bisan diin si David paadtoa ni Saul malampuson siya. Busa gibutang siya ni Saul ibabaw sa mga tawo sa gubat. Ug kini maayo sa panan-aw sa katawhan ingon man usab sa panan-aw sa mga sulugoon ni Saul.