1 Samuel 18:23

Ang Biblia 2011

Ang mga sulugoon ni Saul misulti niining mga pulonga sa mga igdulungog ni David. Ug si David miingon, “Sayon ba lamang alang kaninyo kanang butanga nga mahimong umagad sa hari, nga nakita man ninyo nga ako usa ka kabos nga tawo ug dili inila?”

Cross References

Genesis 29:20

Busa si Jacob nag-alagad sulod sa pito ka tuig alang kang Raquel ug kini daw pipila lamang ka adlaw tungod sa iyang gugma alang kaniya.

Genesis 34:12

Pun-i pa ninyo pagpangayo ug daghang bugay ug mga gasa ug ako mohatag sumala sa inyong ibungat kanako, ihatag lamang ninyo kanako ang dalaga aron akong maasawa.”

Salmo 119:141

Ako gamay ug tinamay, apan wala nako kalimti ang imong mga lagda.

Mga Panultihon 14:20

Ang kabos giayran bisan sa iyang silingan, apan ang dato adunay daghang mga higala.

Mga Panultihon 29:5

Ang tawo nga nag-ulog-ulog sa iyang silingan nagbukhad ug pukot alang sa iyang mga tiil.

1 Juan 3:1

Tan-awa ninyo unsang gugmaha ang gihatag kanato sa Amahan nga kita tawgon nga mga anak sa Dios, ug kita mao. Ang hinungdan ngano nga ang kalibotan wala makaila kanato mao nga kini wala makaila kaniya.

1 Samuel 18:18

Ug si David miingon ngadto kang Saul, “Kinsa ba ako ug kinsa ang akong mga kadugo, ang panimalay sa akong amahan diha sa Israel, nga ako mahimong umagad sa hari?”

1 Samuel 18:22

Ug gisugo ni Saul ang iyang mga sulugoon, “Sultihi si David sa hilom ug ingna, ‘Ania karon, ang hari nalipay kanimo, ug ang tanan niyang mga sulugoon nahigugma kanimo, busa karon mahimo ikaw nga umagad sa hari.’ ”

1 Samuel 18:24

Ug ang mga sulugoon ni Saul misugilon kaniya, “Niining paagiha nagsulti si David.”

1 Samuel 9:21

Ug si Saul mitubag, “Dili ba ako usa ka kaliwat ni Benjamin, gikan sa labing gamay nga banay sa Israel? Dili ba nga ang akong panimalay mao ang labing ubos sa tanang panimalay sa banay sa Benjamin? Ngano ba nga ikaw nagsulti man kanako sa ingon niana?”