1 Samuel 18:12

Ang Biblia 2011

Si Saul nahadlok kang David tungod kay ang Ginoo nag-uban kaniya ug mibiya gikan kang Saul.

Cross References

2 Samuel 5:10

Ug si David nag-anam ug kabantogan kay ang Ginoo, ang Dios sa mga panon nag-uban man kaniya.

2 Cronicas 17:3

Ug ang Ginoo nag-uban kang Jehosafat tungod kay siya naglakaw subay sa unang gibuhat sa iyang amahan ug wala mangita sa mga Baal

Salmo 51:11

Ayaw ako isalikway gikan sa imong atubangan, ug ayaw kuhaa ang imong balaang Espiritu gikan kanako.

Salmo 53:5

Anaa sila sa hilabihang kahadlok, sa kahadlok nga wala pa nila masinati! Kay ang Dios magkatag sa mga bukog niya nga nakigbatok kanimo; pakaulawan nimo sila, tungod kay ang Dios nagsalikway man kanila.

Oseas 9:12

Bisan ug sila nag-atiman ug mga bata, kuhaan nako sila hangtod nga walay mahibilin. Alaot sila sa diha nga ako mobiya kanila!

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Marcos 6:20

tungod kay si Herodes nahadlok man kang Juan, kay nahibaloan man niya nga siya matarong ug balaan nga pagkatawo, ug gipanalipdan niya siya. Ug sa iyang pagkadungog kang Juan, siya nalibog pag-ayo apan iyang gikalipay ang pagpamati kang Juan.

Lucas 8:37

Unya ang tanang mga tawo sa kasikbit nga kayutaan sa mga Gerasenhon mihangyo kang Jesus sa pagpahawa gikan kanila kay sila giabot man ug dakong kahadlok. Busa sakay sa sakayan siya mibalik.

Mga Buhat 24:25

Ug sa nagsulti siya mahitungod sa pagkamatarong ug sa pagpugong sa kaugalingon ug sa hukom nga umaabot, si Felix nalisang ug miingon, “Pahawa usa karon. Kon makahigayon ako ipatawag ko ra unya ikaw.”

Mga Buhat 7:9

“Ug ang mga patriarka nga nasina kang Jose, mibaligya kaniya ngadto sa Ehipto; apan ang Dios uban kaniya,

Mga Maghuhukom 1:19

Ug ang Ginoo nag-uban kang Juda ug gipanag-iya niya ang kabungtoran apan wala siya makapapahawa sa mga nagpuyo sa kapatagan kay sila may mga karwahi man nga puthaw.

Mga Maghuhukom 16:20

Ug si Delaila miingon, “Samson, ang mga Filistihanon anaa na padulong kanimo.” Ug siya nakamata gikan sa iyang pagkatulog ug miingon, “Ako mogula sama sa unang panahon ug magluwas sa akong kaugalingon.” Apan siya wala mahibalo nga ang Ginoo mibiya kaniya.

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 16:4

Si Samuel mibuhat sumala sa gisugo sa Ginoo, ug miadto sa Betlehem. Ug ang mga kadagkoan sa siyudad miadto aron sa pagsugat kaniya nga nagkurog ug miingon, “Mianhi ba ikaw nga malinawon?”

1 Samuel 18:15

Unya sa dihang nakita ni Saul nga nagmalamposon si David, siya mitindog nga may kahadlok kaniya.

1 Samuel 18:20

Si Mical nga anak nga babaye ni Saul nahigugma kang David, ug ilang gisuginlan si Saul ug ang maong butang nakalipay kaniya.

1 Samuel 18:29

si Saul misamot pagkahadlok kang David. Busa si Saul nagpabilin nga kaaway ni David sa kanunay.

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

1 Samuel 22:13

Si Saul miingon kaniya, “Nganong nagsabot kamo batok kanako, ikaw ug ang anak ni Jesse, nga niana ikaw naghatag kaniya ug pan ug usa ka espada ug nagpakisayod sa Dios alang kaniya, aron nga siya moalsa batok kanako, sa pag-atang sama niining adlawa?”

1 Samuel 28:15

Si Samuel miingon kang Saul, “Ngano nga imo akong gisamok pinaagi sa pagpatungha kanako?” Ug si Saul mitubag, “Ako naguol sa hilabihan gayod kay ang mga Filistihanon nakiggubat batok kanako, ug ang Dios mibulag gikan kanako ug wala na motubag kanako, bisan pinaagi sa mga propeta o pinaagi sa mga damgo, busa gipatawag nako ikaw aron sultihan ako kon unsay akong buhaton.”

1 Samuel 3:19

Si Samuel mitubo ug ang Ginoo nag-uban kaniya ug walay nakawang sa tanan niyang gisulti.