1 Samuel 18:10

Ang Biblia 2011

Sa pagkaugma, usa ka daotang espiritu gikan sa Dios miabot nga makusganon diha kang Saul ug siya nagsalimoang sulod sa balay samtang si David nagtugtog sa iyang alpa ingon sa iyang gibuhat matag adlaw. Ug dihay bangkaw sa kamot ni Saul.

Cross References

1 Mga Hari 18:29

Ug sa dihang milabay na ang kaudtohon, sila nagpadayon hangtod sa panahon sa paghalad sa haponong halad apan walay tingog, walay bisan usa nga mitubag, walay bisan usa nga nagtagad.

1 Mga Hari 22:12

Ug ang tanang mga propeta nagpropesiya sa ingon ug nag-ingon, “Tungas ngadto sa Ramot-gilead ug pagmadaogon kay ang Ginoo magtugyan niini ngadto sa kamot sa hari.”

Jeremias 28:11

Ug si Ananias misulti sa atubangan sa tibuok katawhan, nga nag-ingon, “Mao kini ang giingon sa Ginoo: Sa ingon niini balion nako ang yugo ni Nabucodonosor nga hari sa Babilonia gikan sa liog sa tanang mga nasod sulod sa duha ka tuig.” Apan ang propeta nga si Jeremias mipadayon sa iyang panaw.

Mga Buhat 16:16

Unya samtang nagpaingon kami sa dapit nga ampoanan, gikasugat kami sa usa ka babayeng sulugoon nga may espiritu sa pagpanag-an, ug naghatag ug dakong kita sa iyang mga agalon pinaagi sa iyang pagpanag-an.

2 Mga Taga-Tesalonica 2:11

Tungod niini, ang Dios nagpadala kanila ug gahom sa pagkamalimbongon aron sila motuo sa bakak,

Mga Maghuhukom 16:20

Ug si Delaila miingon, “Samson, ang mga Filistihanon anaa na padulong kanimo.” Ug siya nakamata gikan sa iyang pagkatulog ug miingon, “Ako mogula sama sa unang panahon ug magluwas sa akong kaugalingon.” Apan siya wala mahibalo nga ang Ginoo mibiya kaniya.

1 Samuel 16:23

Sa higayon nga ang daotang espiritu gikan sa Dios moabot kang Saul, si David mokuha sa alpa ug motugtog niini. Busa si Saul maulian ug mamaayo, ug ang daotang espiritu mobiya gikan kaniya.

1 Samuel 18:9

Sukad niadtong adlawa gipanid-an ni Saul si David.

1 Samuel 19:10

Si Saul nangita ug paagi sa pagtuhog kang David ngadto sa bungbong pinaagi sa iyang bangkaw, apan nakalikay siya kang Saul, busa mitaroy ang bangkaw diha sa bungbong. Ug si David mipalayo ug miikyas niadtong gabhiona.

1 Samuel 19:7

Ug gitawag ni Jonatan si David ug gisuginlan niya sa tanang butang nga ilang gihisgotan. Gidala ni Jonatan si David ngadto kang Saul ug didto siya sa iyang atubangan sama sa unang panahon.

1 Samuel 19:9

Unya usa ka daotang espiritu gikan sa Ginoo miabot kang Saul samtang naglingkod siya sa iyang balay uban sa iyang bangkaw nga diha sa iyang kamot ug si David nagtugtog sa alpa.

1 Samuel 26:19

Busa karon, papamatia ang akong agalon nga hari sa mga pulong sa iyang sulugoon. Kon ang Ginoo mao ang nag-aghat kanimo batok kanako, dawaton unta niya ang usa ka halad, apan kon ang mga tawo, tunglohon unta sila sa atubangan sa Ginoo, kay ako ilang gipapahawa niining adlawa aron nga ako dili mabahinan sa panulundon sa Ginoo, ug sila nag-ingon, ‘Lakaw, pag-alagad ug laing mga dios.’