1 Samuel 17:52

Ang Biblia 2011

Ang mga tawo sa Israel ug sa Juda nanindog ug naninggit, ug migukod sa mga Filistihanon hangtod sa Gat ug ngadto sa ganghaan sa Ekron. Ug ang mga samaran sa mga Filistihanon nangapukan diha sa agianan gikan sa Saaraim hangtod sa Gat ug sa Ekron.

Cross References

2 Samuel 23:10

Siya mitindog ug gipanigbas ang mga Filistihanon hangtod nga ang iyang kamot naluya, ug ang iyang kamot mitapot sa espada ug ang Ginoo naghimo ug usa ka dakong pagdaog niadtong adlawa ug ang katawhan namalik aron lamang manguha ug kasangkapan sa mga nangamatay.

1 Mga Hari 20:21

Ug ang hari sa Israel miasdang ug gibihag ang mga kabayo ug ang mga karwahi, ug gipamatay ang daghan kaayong Sirianhon.

Josue 15:11

Ang utlanan mipadayon ngadto sa bakilid sa bukid sa amihanang bahin sa Ekron ug ang utlanan miliko ngadto sa Sikeron ug misubay paingon sa Bukid sa Baala ug migula ngadto sa Jabneel, ug misangko sa dagat ang utlanan niini.

Mga Maghuhukom 7:23

Ug ang mga tawo sa Israel gipatawag gikan sa Neftali ug gikan sa Aser ug gikan sa tibuok nga Manases, ug gigukod nila ang Midian.

1 Samuel 17:53

Ug ang mga Israelinhon namauli gikan sa paggukod sa mga Filistihanon ug ilang gipanguhaan ang ilang kampo.

1 Samuel 5:10

Busa ilang gipadala ang sudlanan sa kasabotan sa Dios ngadto sa Ekron. Ug sa diha nga ang sudlanan sa kasabotan sa Dios didto sa Ekron, ang mga tawo sa Ekron naninggit, “Gidala nila ang sudlanan sa kasabotan sa Dios sa Israel kanato aron sa pagpatay kanato ug sa atong katawhan.”

1 Samuel 5:8

Busa ilang gipasugoan ug gitigom ang tanang mga pangulo sa mga Filistihanon ug miingon, “Unsay atong buhaton sa sudlanan sa kasabotan sa Dios sa Israel?” Ug sila mitubag, “Kinahanglang dad-on ang sudlanan sa kasabotan sa Dios sa Israel ngadto sa Gat.” Busa ilang gidala ang sudlanan sa kasabotan sa Dios sa Israel didto.