1 Samuel 17:51

Ang Biblia 2011

Unya si David midagan ug mitindog sa ibabaw sa Filistihanon ug gikuha ang espada niini, ug giibot kini gikan sa sakoban ug gipatay siya, ug gipunggot ang iyang ulo pinaagi niini. Sa pagtan-aw sa mga Filistihanon nga ang ilang bantogan patay na, sila nanagan.

Cross References

2 Samuel 23:21

Ug iyang gipatay ang usa ka Ehiptohanon nga ambongan. Ang Ehiptohanon may usa ka bangkaw sa iyang kamot, apan misulong si Benaias ngadto kaniya nga may usa ka sungkod ug giilog ang bangkaw gikan sa kamot sa Ehiptohanon, ug gipatay siya pinaagi sa iyang kaugalingong bangkaw.

2 Samuel 4:7

Sa pagsulod nila sa balay, samtang naghigda si Isboset sa higdaanan sa iyang lawak, ilang gitigbas siya ug gipatay ug gipunggotan sa ulo. Gidala nila ang iyang ulo ug milakaw sila subay sa agianan sa Araba sa tibuok nga gabii.

Ester 7:10

Ug ang hari miingon, “Bitaya siya niini.” Busa ilang gibitay si Haman sa bitayan nga iyang giandam alang kang Mardoqueo. Unya ang kasuko sa hari napuypoy.

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

Mga Hebreo 2:14

Busa ingon nga ang mga anak nakaambit man sa unod ug dugo, siya gayod usab miambit niini, aron pinaagi sa kamatayon malaglag niya ang may gahom sa kamatayon, nga sa ato pa, ang yawa,

1 Samuel 17:50

Busa si David midaog batok sa Filistihanon pinaagi sa usa ka lambuyog ug sa usa ka bato, ug naigo ang Filistihanon ug gipatay siya; walay espada diha sa kamot ni David.

1 Samuel 21:10

Unya si David mitindog ug mipalayo niadtong adlawa gikan kang Saul, ug miadto kang Akis nga hari sa Gat.

1 Samuel 21:9

Ug ang pari miingon, “Ang espada ni Goliat, ang Filistihanon nga imong gipatay didto sa walog sa Ela ania dinhi, giputos ug panapton sa luyo sa ephod, kon imo kanang dad-on kuhaa kana kay walay lain dinhi gawas niana.” Ug si David miingon, “Walay lain sama niana, ihatag kana kanako.”

1 Samuel 31:9

Ug gipunggotan nila siya sa ulo ug gihukasan sa mga kahimanan sa gubat, ug nagpadala ug mga sinugo sa yuta sa mga Filistihanon aron sa pagdala sa maayong balita ngadto sa ilang mga diosdios ug ngadto sa katawhan.