1 Samuel 17:49

Ang Biblia 2011

Ug si David mikuot sa iyang bag ug mikuha ug ang usa ka bato, ug gilabyog kini, ug naigo ang Filistihanon sa iyang agtang, ug ang bato nalubong sa iyang agtang, ug naumod siya sa yuta.

Cross References

1 Mga Hari 22:34

Apan may usa ka tawo nga nanaghap pagpana ug naigo ang hari sa Israel sa tinakdoan sa iyang taming sa dughan, busa siya miingon sa nagdala sa iyang karwahi, “Balik ug dad-a ako palayo gikan sa gubat kay ako samaran.”

2 Mga Hari 9:24

Ug gibingat ni Jehu ang iyang pana uban sa tanan niyang kusog ug gipana si Joram sa taliwala sa iyang abaga ug ang udyong milapos sa iyang kasingkasing ug siya nalup-og sa sulod sa iyang karwahi.

1 Samuel 17:48

Sa diha nga ang Filistihanon mitindog ug miadto ug mipaduol aron sa pagtagbo kang David, si David midali pagdagan padulong sa panon sa kasundalohan aron sa pagtagbo sa Filistihanon.

1 Samuel 17:50

Busa si David midaog batok sa Filistihanon pinaagi sa usa ka lambuyog ug sa usa ka bato, ug naigo ang Filistihanon ug gipatay siya; walay espada diha sa kamot ni David.

1 Samuel 19:5

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”