1 Samuel 17:45

Ang Biblia 2011

Unya si David miingon sa Filistihanon, “Ikaw mianhi kanako uban ang espada, bangkaw ug sapang, apan ako mianhi kanimo sa ngalan sa Ginoo sa mga panon, ang Dios sa kasundalohan sa Israel, nga imong gihagit.

Cross References

2 Cronicas 14:10

Unya si Asa migula aron sa pagsugat kaniya ug sila nagpahimutang sa ilang han-ay alang sa gubat diha sa walog sa Zefata didto sa Maresa.

2 Cronicas 32:8

Uban kaniya usa ka bukton nga unod apan uban kanato mao ang Ginoo nga atong Dios aron sa pagtabang kanato ug sa pagpakig-away sa atong mga gubat.” Ang katawhan misalig sa mga pulong ni Hesekias nga hari sa Juda.

Salmo 124:8

Ang atong tabang anaa sa ngalan sa Ginoo, nga nagbuhat sa langit ug sa yuta.

Salmo 18:2

Ang Ginoo mao ang akong bato ug ang akong kuta ug ang akong manluluwas, akong Dios, akong bato nga diha kaniya ako midangop, akong taming, ug sungay sa akong kaluwasan, akong lig-ong salipdanan.

Salmo 20:8

Mangatumba sila ug mangapukan; apan kami motindog ug mobarog nga lig-on.

Salmo 3:8

Ang kaluwasan iya sa Ginoo; ang imong panalangin maanaa sa imong katawhan! Selah

Salmo 44:6

Kay dili sa akong pana ako nagsalig; o sa akong espada ako maluwas.

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 37:23

‘Kinsa ang imong gihagit ug gipasipalahan? Batok kang kinsa man nimo gipatugbaw ang imong tingog ug gisulinga nimo ang imong mga mata? Batok sa Balaan sa Israel!

Isaias 37:28

‘Ako nahibalo sa imong paglingkod, ug sa imong paggula, ug sa imong pagsulod ug sa imong pagkasuko batok kanako.

2 Mga Taga-Corinto 10:4

kay ang mga hinagiban sa among pakiggubat dili man unodnon kondili gamhanan tungod sa Dios aron sa paglumpag sa mga kuta,

2 Mga Taga-Corinto 3:5

dili nga kami takos sa among kaugalingon sa pag-angkon sa bisan unsa ingon nga gikan sa among kaugalingon apan ang among katakos gikan sa Dios

Mga Taga-Filipos 4:13

Mahimo nako ang tanang butang diha kaniya nga naglig-on kanako.

1 Samuel 17:10

Ug ang Filistihanon miingon, “Ako naghagit sa mga panon sa kasundalohan sa Israel niining adlawa. Hatagi ako ug usa ka tawo, aron kami magsangka.”

1 Samuel 17:26

Si David miingon sa mga tawo nga nagtindog tupad kaniya, “Unsay buhaton sa tawo nga makapatay niining Filistihanon, ug makakuha sa pagkatalamayon sa Israel? Kay kinsa ba kining dili tinuli nga Filistihanon nga siya naghagit man sa mga panon sa kasundalohan sa buhing Dios?”

1 Samuel 17:36

Ang imong sulugoon nakapatay ug mga liyon ug mga oso ug kining dili tinuli nga Filistihanon mahimong sama sa usa kanila, sa pagtan-aw nga siya naghagit sa kasundalohan sa Dios nga buhi.”

1 Samuel 17:6

Siya may salipod nga bronsi sa iyang mga bitiis ug usa ka bangkaw nga bronsi nga gikabiba taliwala sa iyang mga abaga.