1 Samuel 17:44

Ang Biblia 2011

Ang Filistihanon miingon kang David, “Duol kanako, ug ihatag nako ang imong unod ngadto sa mga langgam sa kalangitan ug sa mga mananap sa kapatagan.”

Cross References

2 Samuel 21:10

Unya si Rispa nga anak ni Aiah mikuha ug bisti nga sako ug gibukhad kini alang kaniya sa ibabaw sa bato, sukad sa sinugdan sa ting-ani hangtod nga ang ulan nangahulog diha kanila gikan sa kalangitan. Ug siya wala motugot nga ang mga langgam sa kalangitan motugdon kanila sa adlaw o ang mga mananap sa kapatagan sa gabii.

Mga Panultihon 18:12

Sa dili pa ang pagkalaglag mapahitas-on ang kasingkasing sa tawo, apan ang pagkamapaubsanon nag-una sa kadungganan.

Jeremias 34:20

Ihatag nako sila ngadto sa kamot sa ilang mga kaaway ug ngadto sa mga nagtinguha sa ilang mga kinabuhi. Ang ilang mga patayng lawas mahimong pagkaon sa mga langgam sa kalangitan, ug sa mga mananap sa yuta.

Jeremias 9:23

Mao kini ang giingon sa Ginoo: “Ayaw papasigarboha ang tawong maalamon diha sa iyang kaalam, ayaw papasigarboha ang tawong kusgan diha sa iyang kusog, ayaw papasigarboha ang tawong adunahan diha sa iyang mga bahandi.

Ezequiel 28:2

“Anak sa tawo, sultihi ang pangulo sa Tiro, Mao kini ang giingon sa Ginoong Dios: Tungod kay ang imong kasingkasing mapahitas-on, ug ikaw miingon, ‘Ako usa ka dios, ako naglingkod sa lingkoranan sa mga dios, sa taliwala sa kadagatan,’ bisan pa niana ikaw tawo lamang, ug dili dios, apan nag-isip ikaw sa imong kaugalingon nga maalamon sama sa usa ka dios—

Gipadayag 19:17

Unya akong nakita ang usa ka anghel nga nagtindog diha sa adlaw, ug sa kusog nga tingog iyang gisinggitan ang tanang kalanggaman nga naglupad sa tungatunga sa kalangitan, nga nag-ingon kanila, “Dali kamo, tambong kamo sa dakong panihapon sa Dios,

1 Samuel 14:12

Ug ang mga tawo nga nagbantay sa kuta misinggit kang Jonatan ug sa tigdala sa iyang hinagiban ug miingon, “Ngari kamo kanamo ug pakit-on kamo namo sa usa ka butang.” Ug si Jonatan miingon sa tigdala sa iyang hinagiban, “Sunod kanako sa pagsaka kay ang Ginoo nagtugyan kanila ngadto sa kamot sa Israel.”

1 Samuel 17:46

Niining adlawa ang Ginoo magtugyan kanimo nganhi sa akong kamot, ug ako magbunal ug maglunggo sa imong ulo gikan kanimo, ug ihatag nako ang mga patay nga lawas sa panon sa mga Filistihanon niining adlawa ngadto sa mga langgam sa kalangitan ug sa mga ihalas nga mananap sa yuta, aron nga ang tibuok yuta mahibalo nga adunay Dios sa Israel,