1 Samuel 17:43

Ang Biblia 2011

Ug ang Filistihanon miingon kang David, “Iro ba ako, nga ikaw mianhi kanako uban sa mga sungkod?” Ug ang Filistihanon mitunglo kang David pinaagi sa iyang mga dios.

Cross References

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

2 Samuel 16:5

Sa diha nga si Hari David miabot na sa Bahurim, may migula nga usa ka tawo nga gikan sa panimalay sa banay ni Saul, nga ginganlan ug Simei nga anak ni Gera. Migula siya nga nagsigi ug panunglo.

2 Samuel 16:9

Unya si Abisai nga anak ni Zeruia miingon ngadto sa hari, “Ngano nga kining patay nga iro nagtunglo sa akong agalon nga hari? Paadtoa ako, ug lunggoon nako ang iyang ulo.”

2 Samuel 3:8

Unya si Abner nasuko pag-ayo tungod sa mga pulong ni Isboset ug miingon, “Usa ba ako ka ulo sa iro sa Juda? Niining adlawa nagpakita ako ug pagkamaunongon ngadto sa panimalay ni Saul nga imong amahan, ngadto sa iyang mga kaigsoonan ug sa iyang mga kahigalaan, ug wala magtugyan kanimo ngadto sa kamot ni David, ug unya ikaw nagpasangil kanako niining adlawa sa usa ka sala mahitungod sa usa ka babaye.

2 Samuel 9:8

Ug siya mihatag ug katahoran, ug miingon, “Unsa ba kining imong sulugoon, nga mitan-aw man ikaw sa usa ka patay nga iro nga sama kanako?”

1 Mga Hari 20:10

Ug si Ben-hadad nagsugo ngadto kaniya ug miingon, “Ang mga dios magbuhat sa ingon kanako ug labaw pa usab, kon ang abog sa Samaria makaigo sa mga hakop alang sa tanang katawhan nga nagsunod kanako.”

2 Mga Hari 8:13

Ug si Hasael miingon, “Unsa ba ang imong sulugoon, nga usa lamang ka iro, nga siya magbuhat niining dakong butang?” Ug si Eliseo mitubag, “Ang Ginoo nagpadayag kanako nga ikaw mahimong hari sa Siria.”

Mga Panultihon 26:2

Sama sa goryon sa iyang paghaguros, sama sa langgam nga sayaw sa iyang paglupad, ang pagtunglo nga walay hinungdan dili modangat.

Numeros 22:6

Busa dali ngari, tungloha kining maong katawhan alang kanako kay sila gamhanan kaayo kay kanako, basin na lamang ug mabuntog nako sila ug maghingilin kanila gikan sa yuta; kay ako nahibalo nga ang imong panalanginan mabulahan ug ang imong tunglohon matinunglo.”

Mga Maghuhukom 9:27

Ug miadto sila sa kapatagan ug nanguha sa paras gikan sa ilang mga parasan ug naghimog bino gikan niini ug nagpista ug nangadto sa balay sa ilang dios ug nangaon ug nanginom, ug nagbugalbugal kang Abimelek.

1 Samuel 14:12

Ug ang mga tawo nga nagbantay sa kuta misinggit kang Jonatan ug sa tigdala sa iyang hinagiban ug miingon, “Ngari kamo kanamo ug pakit-on kamo namo sa usa ka butang.” Ug si Jonatan miingon sa tigdala sa iyang hinagiban, “Sunod kanako sa pagsaka kay ang Ginoo nagtugyan kanila ngadto sa kamot sa Israel.”

1 Samuel 24:14

Kinsa bay hinungdan sa paggula sa hari sa Israel? Kinsa ba ang imong gigukod? Usa ka iro nga patay! Usa ka pulgas!

1 Samuel 24:15

Ang Ginoo mao unta ang maghukom ug mohatag sa paghukom taliwala kanako ug kanimo ug motan-aw ug molaban sa akong katungod ug magluwas kanako gikan sa imong kamot.”