1 Samuel 17:4

Ang Biblia 2011

May migula nga usa ka bantogan gikan sa kampo sa mga Filistihanon nga ginganlan ug Goliat sa Gat, nga ang gitas-on unom ka maniko ug usa ka dangaw.

Cross References

1 Cronicas 11:23

Unya iyang gipatay ang usa ka Ehiptohanon, usa ka tawo nga dako ug lawas, lima ka maniko ang gitas-on. Ug diha sa kamot sa Ehiptohanon, may usa ka bangkaw nga sama sa likisan sa tighabol ug panapton, apan si Benaias milugsong ngadto kaniya uban ang sungkod ug giilog ang bangkaw gikan sa kamot sa Ehiptohanon ug gipatay kini pinaagi sa iyang kaugalingong bangkaw.

Amos 2:9

“Bisan pa niana gipatay nako ang Amorihanon sa ilang atubangan, nga ang gitas-on sama sa gitas-on sa mga cedro ug sama ka kusgan sa dagkong kahoy; gilaglag nako ang iyang mga bunga sa itaas ug ang iyang mga gamot sa ilalom.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

Josue 11:22

Walay usa sa mga Anakihanon nga nahibilin sa yuta sa katawhan sa Israel, sa Gaza lamang, sa Gat ug sa Asdod nga may pipila nga nahibilin.

1 Samuel 17:23

Samtang nakigsulti siya kanila, ang bantogan nga Filistihanon sa Gat, nga Goliath ang ngalan, migula gikan sa panon sa mga Filistihanon, ug namulong sa mao gihapong mga pulong. Ug si David nakadungog niini.

1 Samuel 17:3

Ug ang mga Filistihanon nagtindog ibabaw sa bukid didto sa pikas bahin ug ang Israel nagtindog ibabaw sa bukid sa pikas nga bahin ug may walog sa taliwala nila.

1 Samuel 17:5

Ug siya may usa ka helmet nga bronsi diha sa iyang ulo, ug sinul-oban siya sa usa ka panalipod sa lawas, ug ang gibug-aton sa bisti lima ka libo ka siklo nga bronsi.

1 Samuel 27:4

Ug sa diha nga gisugilon kang Saul nga si David mikagiw ngadto sa Gat, siya wala na mangita kaniya pag-usab.