1 Samuel 17:34

Ang Biblia 2011

Apan si David miingon kang Saul, “Ang imong sulugoon nagbantay sa mga karnero sa iyang amahan ug sa diha nga may mianha nga usa ka liyon, o usa ka oso, ug mitukob sa usa ka nating karnero sa panon,

Cross References

Genesis 31:39

Kadtong gitukob sa mga mananap nga ihalas wala nako dad-a kanimo. Ako ang nag-abaga sa mga nangawala niini, gikan sa akong kamot gipabayran nimo kini, bisan ang gikawat panahon sa adlaw o gikawat panahon sa gabii.

2 Samuel 17:8

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

2 Samuel 23:20

Si Benaias nga anak ni Jehoiada usa ka isog nga tawo sa Kabseel, nga nakahimo ug dagkong mga buhat, siya ang nagpatay sa duha ka ariel sa Moab. Siya milugsong usab ug nakapatay ug usa ka liyon diha sa usa ka gahong usa ka adlaw niana nga nag-ulan ug yelo.

1 Cronicas 11:22

Si Benaias nga anak ni Jehoiada, isog nga tawo sa Kabseel, tigbuhat ug bantogang mga buhat. Iyang gipatay ang duha ka ariel sa Moab. Miadto usab siya ug nakapatay ug usa ka liyon didto sa usa ka gahong sa adlaw nga miulan ug yelo.

Salmo 143:5

Nahinumdom ako sa kanhing mga adlaw, namalandong ako sa tanan nga imong nabuhat; naghanduraw ako sa nahimo sa imong mga kamot.

Ezequiel 34:12

Ingon sa usa ka tigbantay nga magsusi sa iyang panon sa diha nga ang uban sa iyang mga karnero nagkatibulaag ngadto sa layo, ako usab mangita sa akong mga karnero ug luwason nako sila gikan sa tanang mga dapit diin sila nagkatibulaag sa adlaw nga dag-omon ug ngiob kaayo.

Amos 3:12

Mao kini ang giingon sa Ginoo, “Ingon nga ang usa ka tigbantay magluwas gikan sa baba sa liyon sa duha ka paa, o usa ka dalunggan, luwason usab ang katawhan sa Israel nga nagpuyo sa Samaria bisan diha sa daplin sa higdaanan ug diha usa ka bahin sa higdaanan.”

Zacarias 11:16

Kay tan-awa, pabarogon nako ang usa ka tigbantay sa karnero diha sa yuta, nga dili magtagad sa mga nagkalaglag o mangita sa mga nangawala o mag-ayo sa nangapiang o magpakaon sa mga maayo ug panglawas, hinuon maglamoy sa unod sa mga tambok nga karnero, maglaksi sa ilang mga kuko.

Zacarias 9:7

Kuhaon nako ang iyang dugo gikan sa iyang baba, ug ang iyang mga kangil-ad gikan sa taliwala sa iyang mga ngipon; ug siya usab mahimong usa ka salin alang sa atong Dios; siya mahimong sama sa usa ka banay sa Juda, ug ang Ekron mahisama sa mga Jebusihanon.

Lucas 2:8

Niadtong dapita dihay mga tigbantay sa karnero nga didto sa kapatagan, nagpulaw sa pagbantay sa ilang mga hayop.

Juan 10:11

Ako mao ang maayong magbalantay sa karnero. Ang maayong magbalantay sa karnero nagtahan sa iyang kinabuhi alang sa karnero.

Roma 5:4

ug ang pagkamalahutayon mobunga ug kalig-on, ug ang kalig-on mobunga ug paglaom,

Mga Hebreo 11:33

nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon,

Gipadayag 13:2

Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom.

Mga Maghuhukom 14:6

Ug ang Espiritu sa Ginoo mikunsad kaniya nga may gahom ug gikuniskunis niya kini sama nga nagkuniskunis ug sa usa ka nating kanding, ug siya walay bisan unsa sa iyang kamot. Apan wala niya suginli ang iyang amahan o ang iyang inahan sa iyang gibuhat.

1 Samuel 17:15

apan si David nagngadto-nganhi kang Saul aron sa pagpakaon sa mga karnero sa iyang amahan didto sa Betlehem.

1 Samuel 17:33

Apan si Saul miingon kang David, “Ikaw dili makahimo sa pag-adto aron sa pagpakig-away batok niining Filistihanon, kay ikaw usa lamang ka batan-on, ug siya usa ka tawo sa gubat sukad pa sa iyang pagkabatan-on.”

1 Samuel 17:35

akong gisunod kini ug gipatay kini, ug nagluwas sa nating karnero gikan sa baba niini. Ug sa diha nga kini misukol kanako, gikuptan nako ang bungot niini, ug gibunalan nako kini, ug gipatay.