1 Samuel 17:32

Ang Biblia 2011

Ug si David miingon kang Saul, “Wala untay kasingkasing nga maluya tungod kaniya. Ang imong sulugoon moadto ug makig-away batok niining Filistihanon.”

Cross References

Salmo 3:6

Dili ako mahadlok sa napulo ka libo sa katawhan nga misulong libot kanako.

Isaias 35:4

Ingna sila nga adunay mahadlokon nga kasingkasing, “Pagmalig-on, ayaw kahadlok! Tan-awa, ang inyong Dios moanhi uban ang panimalos, uban ang pagbalos sa Dios. Siya moanhi ug magluwas kaninyo.”

Isaias 7:4

ug sultihi siya, ‘Pagbantay ug paghilom, ayaw kahadlok, ug ayaw paluyaha ang imong kasingkasing, tungod niining duha ka nagbaga nga upos sa sugnod, tungod sa bangis nga kasuko ni Resin sa Siria ug sa anak ni Remalias.

Numeros 13:30

Apan gipahilom ni Caleb ang katawhan sa atubangan ni Moises ug siya miingon, “Manungas dayon kita ug panag-iyahon nato kini kay kita makahimo gayod sa pagbuntog niini.”

Numeros 14:9

Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Mga Hebreo 12:12

Busa iisa ang inyong gikapoy nga mga kamot ug lig-ona ang inyong nagkurog nga mga tuhod,

Josue 14:12

Busa karon, ihatag kanako kining kabungtoran nga gihisgotan sa Ginoo niadtong adlawa kay imong nadungog niadtong adlawa nga didto ang mga Anakihanon uban ang ilang mga dagkong siyudad nga kinutaan. Basin ug ang Ginoo mag-uban kanako ug papahawaon nako sila sumala sa gisulti sa Ginoo.”

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 17:31

Sa diha nga nadungog ang mga pulong nga gipamulong ni David, ilang gisubli kini sa atubangan ni Saul ug iyang gipakuha siya.