1 Samuel 17:26

Ang Biblia 2011

Si David miingon sa mga tawo nga nagtindog tupad kaniya, “Unsay buhaton sa tawo nga makapatay niining Filistihanon, ug makakuha sa pagkatalamayon sa Israel? Kay kinsa ba kining dili tinuli nga Filistihanon nga siya naghagit man sa mga panon sa kasundalohan sa buhing Dios?”

Cross References

2 Mga Hari 19:4

Tingali ang Ginoo nga imong Dios nakadungog sa mga pulong sa Rabsakes, nga gipadala sa hari sa Asiria nga iyang agalon aron sa pagbiaybiay sa buhing Dios ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa mga nahibilin.”

2 Cronicas 32:17

Unya nagsulat si Senakerib ug mga sulat sa pagpanamastamas sa Ginoo, ang Dios sa Israel, ug sa pagsulti batok kaniya nga nag-ingon, “Sama nga ang mga dios sa mga nasod sa kayutaan wala makaluwas sa ilang katawhan gikan sa akong mga kamot, mao man usab ang Dios ni Hesekias dili makaluwas sa iyang katawhan gikan sa akong kamot.”

Nehemias 5:9

Busa ako miingon, “Ang butang nga inyong gibuhat dili maayo. Dili ba kinahanglan nga kamo maglakaw diha sa pagkahadlok sa atong Dios, aron sa pagsanta sa mga pagtamay sa atong mga kaaway?

Salmo 44:13

Gihimo nimo kami nga yam-iranan sa among mga silingan, yubitonon ug talamayon sa mga naglibot kanamo.

Salmo 74:18

Hinumdomi kini, O Ginoo, giunsa sa mga kaaway sa pagpakaulaw, ug ang buangbuang nga katawhan nagpasipala sa imong ngalan.

Salmo 79:12

Ibalik sa pito ka pilo ngadto sa sabakan sa among silingan ang pagpakaulaw nga ilang gihimo kanimo, O Ginoo!

Isaias 37:23

‘Kinsa ang imong gihagit ug gipasipalahan? Batok kang kinsa man nimo gipatugbaw ang imong tingog ug gisulinga nimo ang imong mga mata? Batok sa Balaan sa Israel!

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Jeremias 9:25

“Tan-awa, ang mga adlaw nagsingabot, nag-ingon ang Ginoo, nga ako magsilot kanilang tanan nga tinuli apan dili tinuli—

Jeremias 9:26

ang Ehipto, ang Juda, ang Edom, ang mga kaliwat sa Amon, ang Moab, ug ang tanan nga nagpuyo sa kamingawan, nga nagpatupi sa ilang buhok. Kay kining tanang kanasoran dili tinuli ug ang tibuok balay sa Israel dili tinuli diha sa kasingkasing.”

Ezequiel 28:10

Ikaw mamatay sa kamatayon sa mga dili tinuli pinaagi sa kamot sa mga langyaw; kay ako nagsulti niini, nag-ingon ang Ginoong Dios.”

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Daniel 6:27

Siya nagpalingkawas ug nagluwas, ug nagbuhat siya ug mga ilhanan ug mga katingalahan sa langit ug sa yuta, siya maoy nagluwas kang Daniel gikan sa gahom sa mga liyon.”

Daniel 9:16

O Ginoo, sumala sa tanan nimong matarong nga mga buhat, pabiyaa ang imong kasuko ug kaligutgot gikan sa imong siyudad nga Jerusalem, ang imong balaan nga bukid kay tungod sa among mga sala ug tungod sa kadaotan sa among mga katigulangan, ang Jerusalem ug ang imong katawhan nahimong sanglitanan sa tanan nga naglibot kanamo.

Joel 2:19

Ang Ginoo mitubag ug miingon sa iyang katawhan, “Ania, nagpadala ako kaninyo ug trigo, bino, ug lana, ug mangatagbaw kamo, ug dili na kamo nako himoon nga talamayon taliwala sa mga kanasoran.

Deuteronomio 5:26

Kay kinsa ba diha sa tanang tawo nga nakadungog sa tingog sa buhing Dios nga nagsulti gikan sa taliwala sa kalayo, sama sa atong nasinati ug nabuhi pa gihapon?

1 Mga Taga-Tesalonica 1:9

Kay sila gayod ang nagbalita kaninyo mahitungod kanamo, kon giunsa ninyo kami pag-abi-abi ug giunsa ninyo pagdangop sa Dios gikan sa mga diosdios, aron sa pag-alagad sa buhi ug matuod nga Dios,

Josue 3:10

Ug si Josue miingon, “Tungod niini mahibaloan ninyo nga ang buhing Dios anaa uban kaninyo ug sa walay pagkapakyas siya maghingilin gikan sa atubangan ninyo sa mga Canaanhon, sa mga Hitihanon, sa mga Hibihanon, sa mga Perisihanon, sa mga Gergasihanon, sa mga Amorihanon, ug sa mga Jebusihanon.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

1 Samuel 11:2

Apan si Nahas nga Amonihanon miingon ngadto kanila, “Ako maghimo niining kasabotan uban kaninyo sa ingon lamang niini nga kauyonan, nga lugiton nako ang inyong tuong mata; kini makahatag ug kaulawan sa tibuok Israel.”

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”

1 Samuel 17:10

Ug ang Filistihanon miingon, “Ako naghagit sa mga panon sa kasundalohan sa Israel niining adlawa. Hatagi ako ug usa ka tawo, aron kami magsangka.”

1 Samuel 17:30

Ug siya mitalikod gikan kaniya sa pag-atubang ngadto sa uban, ug misulti sa mao gihapon. Ug ang katawhan mitubag kaniya pag-usab sama sa una.

1 Samuel 17:36

Ang imong sulugoon nakapatay ug mga liyon ug mga oso ug kining dili tinuli nga Filistihanon mahimong sama sa usa kanila, sa pagtan-aw nga siya naghagit sa kasundalohan sa Dios nga buhi.”

1 Samuel 31:4

Unya miingon si Saul ngadto sa iyang tigdala sa hinagiban, “Ibta ang imong espada ug dunggaba ako niana, tingali unya ug kining mga dili tinuli moabot ug modunggab kanako ug binuangan ako.” Apan ang iyang tigdala sa hinagiban wala makahimo kay nahadlok siya pag-ayo. Busa gikuha ni Saul ang iyang espada ug gidunggab niya ang iyang kaugalingon.