1 Samuel 17:24

Ang Biblia 2011

Ang tanang katawhan sa Israel, sa diha nga nakakita sila sa tawo, nanagan gikan kaniya ug nangahadlok sa hilabihan gayod.

Cross References

Isaias 30:17

Usa ka libo mangagiw tungod sa paghulga sa usa ka tawo; sa paghulga sa lima kamo mamiya, hangtod nga kamo mahibilin sama sa usa ka suga sa tumoy sa usa ka bukid, sama sa usa ka ilhanan ibabaw sa usa ka bungtod.

Isaias 7:2

Sa diha nga ang banay ni David gisuginlan, “Ang Siria nakig-abin kang Efraim,” ang iyang kasingkasing ug ang kasingkasing sa iyang katawhan nangurog sama sa kakahoyan sa lasang nga nangurog tungod sa hangin.

Levitico 26:36

Mahitungod sa mga nahabilin kaninyo, luyahon nako ang ilang mga kasingkasing didto sa yuta sa ilang mga kaaway ug ang kinanaas sa usa ka dahon magpakagiw kanila ingon sa usa nga mokagiw gikan sa espada ug mangapukan sila bisan walay maggukod kanila.

Numeros 13:33

Ug didto nakita namo ang Nifilim, ang mga kaliwat ni Anak, kaliwat sa mga higanti ug kami sa among pagtan-aw daw mga dulon lamang ug mao usab kami sa ilang pagtan-aw.”

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

1 Samuel 17:11

Sa diha nga si Saul ug ang tibuok nga Israel nakadungog sa mga pulong sa Filistihanon, nangaluya sila ug nangahadlok pag-ayo.

1 Samuel 17:23

Samtang nakigsulti siya kanila, ang bantogan nga Filistihanon sa Gat, nga Goliath ang ngalan, migula gikan sa panon sa mga Filistihanon, ug namulong sa mao gihapong mga pulong. Ug si David nakadungog niini.

1 Samuel 17:25

Ang katawhan sa Israel miingon, “Nakakita ba kamo nianang tawhana nga mitungas? Sa walay duhaduha mitungas siya aron sa paghagit sa Israel, ug ang tawo nga makapatay kaniya, himoon nga dato sa hari uban sa dagkong mga bahandi, ug ihatag kaniya sa hari ang iyang anak nga babaye, ug hatagan ug kagawasan ang panimalay sa iyang amahan diha sa Israel.”