1 Samuel 17:20

Ang Biblia 2011

Si David misayo pagbangon sa pagkabuntag, ug gibilin ang mga karnero sa usa ka tigbantay, ug midala sa mga dad-onon ug milakaw sumala sa gisugo kaniya ni Jesse. Ug siya miabot sa dapit nga ilang gikampohan sa diha nga ang panon nagpadulong sa panggubatan, naninggit alang sa gubat.

Cross References

Lucas 19:43

Kay moabot kanimo ang mga adlaw nga ang imong mga kaaway magkoral libot kanimo, ug libotan ka ug piiton sa tanang dapit

Josue 3:1

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

1 Samuel 15:12

Ug si Samuel mibangon ug sayo aron pagsugat kang Saul sa pagkabuntag ug kini gisugilon kang Samuel, “Si Saul miadto sa Carmel, ug nagpatindog siya ug usa ka monyumento alang sa iyang kaugalingon, ug mitalikod ug milakaw ug milugsong ngadto sa Gilgal.”

1 Samuel 17:19

Niadtong tungora si Saul, ug sila, ug ang tanan nga katawhan sa Israel, didto sa walog sa Ela, nakig-away sa mga Filistihanon.

1 Samuel 17:21

Ang Israel ug ang mga Filistihanon naghan-ay alang sa gubat, kasundalohan batok kasundalohan.

1 Samuel 17:28

Si Eliab nga iyang magulang nga igsoon nakadungog sa diha nga siya nakigsulti sa mga tawo, ug ang kasuko ni Eliab misilaob batok kang David, ug siya miingon, “Nganong mianhi man ikaw? Ug kinsay imong gibinlan niadtong pipila ka karnero didto sa kamingawan? Ako nahibalo sa imong garbo, ug sa kadaotan sa imong kasingkasing kay ikaw mianhi aron sa pagtan-aw sa gubat.”

1 Samuel 26:5

Busa si David mitindog ug miadto sa dapit diin si Saul nagkampo, ug si David nakakita sa dapit diin si Saul naghigda uban kang Abner nga anak ni Ner, ang tigmando sa iyang kasundalohan. Si Saul naghigda sulod sa taliwala sa kampo samtang ang kasundalohan naglibot kaniya.

1 Samuel 26:7

Busa sa pagkagabii si David ug si Abisai nangadto sa kasundalohan ug si Saul natulog sulod sa kampo uban sa iyang bangkaw nga giugbok sa yuta dapit sa iyang ulohan, ug si Abner ug ang kasundalohan nanghigda libot kaniya.