1 Samuel 16:20

Ang Biblia 2011

Ug si Jesse nagkuha ug usa ka asno nga gikargahan ug pan ug usa ka panit nga sudlanan sa bino ug usa ka nating kanding, ug gipadala kang David nga iyang anak ngadto kang Saul.

Cross References

Genesis 43:11

Unya si Israel nga ilang amahan miingon kanila, “Kon mao na gayod kini, buhata kana ninyo. Pagdala kamo sa labing maayong bunga sulod sa inyong mga sudlanan ug dad-i ninyo kadtong tawo ug usa ka gasa, diyotay nga haplas ug diyotay nga dugos, mga lamas humot nga tagok sa kahoy ug mira, mga pistasio ug mga almendras.

Mga Panultihon 18:16

Ang gasa sa usa ka tawo maghimo ug lawak alang kaniya, ug magdala kaniya sa atubangan sa mga dagkong tawo.

1 Samuel 10:27

Apan ang ubang mga tawo nga walay pulos nag-ingon, “Unsaon man niining tawhana pagluwas kanato?” Ug ilang gitamay siya ug wala magdala kaniya ug gasa. Apan nagpakahilom lamang siya.

1 Samuel 10:4

Sila moyukbo kanimo ug mohatag kanimo ug duha ka buok pan nga imong dawaton gikan sa ilang kamot.

1 Samuel 16:19

Busa si Saul nagpadala ug mga sulugoon ngadto kang Jesse, ug nag-ingon, “Ipadala ngari kanako si David nga imong anak nga atua uban sa mga karnero.”

1 Samuel 17:18

Dad-a usab kining napulo ka keso ngadto sa tigmando sa ilang mga linibo, ug tan-awa kon unsa ang kahimtang sa imong mga igsoon ug pagdala ug mga butang gikan kanila.”

1 Samuel 25:18

Unya si Abigail nagdali ug mikuha ug duha ka gatos ka pan, duha ka sudlanang panit nga bino, lima ka karnero nga inihaw, lima ka takos nga sinangag nga trigo, usa ka gatos ka pungpong nga paras ug duha ka gatos ka torta nga igera, ug gipahimutang kini diha sa mga asno.