Biblia Todo Logo
Cross References

- Mga paanunsiyo -



1 Samuel 16:18

Ang Biblia 2011

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

Tan-awa ang kapitulo Kopyaha

16 Cross References  

Ang Ginoo nag-uban kang Jose ug siya nahimong tawo nga malamposon ug didto siya sa balay sa iyang agalon nga Ehiptohanon.

Ang tinugyanan sa bilanggoan wala magtagad sa bisan unsang butang nga diha sa mga kamot ni Jose kay ang Ginoo nag-uban kaniya, ang bisan unsa nga iyang gibuhat gipauswag sa Ginoo.

Aron mausab ang kahimtang sa hitabo, ang imong sulugoon nga si Joab maoy mihimo niining butanga. Apan ang akong agalon adunay kaalam sama sa kaalam sa usa ka anghel sa Dios sa pag-ila sa tanang mga butang nga anaa sa yuta.”

Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

Ang usa ka tawo dayegon sumala sa iyang maayong hunahuna, apan kadtong sukwahi ug hunahuna tamayon.

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Unya sa diha nga kining mga ilhanan moabot na kanimo, buhata ang bisan unsa nga makaplagan sa imong kamot nga buhaton, kay ang Dios nag-uban kanimo.

Iyang gipasugoan ug gidala siya sa sulod. Pulahon siya ug nawong ug nindot ang iyang mga mata ug ambongan. Ug ang Ginoo miingon, “Tindog, dihogi siya kay mao kini siya.”

Busa si Saul miingon ngadto sa iyang mga sulugoon, “Hatagi ako karon ug usa ka tawo nga maayong motugtog ug dad-a siya dinhi kanako.”

Busa si Saul nagpadala ug mga sulugoon ngadto kang Jesse, ug nag-ingon, “Ipadala ngari kanako si David nga imong anak nga atua uban sa mga karnero.”

Si David usa ka anak sa usa ka Efratihanon sa Betlehem sa Juda nga ginganlan ug Jesse, nga may walo ka anak nga lalaki. Sa mga adlaw ni Saul, ang maong tawo tigulang na ug taas na ug panuigon.

Si Samuel mitubo ug ang Ginoo nag-uban kaniya ug walay nakawang sa tanan niyang gisulti.




Sunda kami:

Mga paanunsiyo


Mga paanunsiyo