1 Samuel 16:16

Ang Biblia 2011

Himoa nga ang among agalon karon magsugo sa imong mga sulugoon nga anaa sa imong atubangan sa pagpangita ug usa ka tawo nga batid nga motugtog sa alpa, ug unya kon ang daotang espiritu gikan sa Dios anaa kanimo, siya motugtog niini ug ikaw mamaayo.”

Cross References

Genesis 41:46

Si Jose nagpanuigon ug 30 ka tuig sa pag-alagad niya sa Paraon, ang hari sa Ehipto. Ug si Jose mibiya sa atubangan sa Paraon ug milibot sa tibuok nga yuta sa Ehipto.

1 Mga Hari 10:8

Bulahan ang imong mga asawa, malipayon kining imong mga sulugoon nga nagtindog kanunay sa imong atubangan ug nakadungog sa imong kaalam!

2 Mga Hari 3:15

Apan karon dad-i ako ug usa ka musikero.” Ug sa diha nga ang musikero mitugtog, ang gahom sa Ginoo mikunsad kaniya.

1 Samuel 10:5

Human niana, lakaw ngadto sa Gibeat-elohim diin atua didto ang kampo sa kasundalohan sa mga Filistihanon ug unya sa imong pag-abot didto sa siyudad, ikaw makatagbo ug usa ka panon sa propeta nga nanglugsong gikan sa habog nga dapit nga nagdala ug alpa, tambor, plawta ug lira diha kanila nga nagpropesiya.

1 Samuel 16:14

Unya ang Espiritu sa Ginoo mibulag gikan kang Saul ug usa ka daotan nga espiritu gikan sa Ginoo nagsakit kaniya.

1 Samuel 16:15

Ug ang mga sulugoon ni Saul miingon kaniya, “Tan-awa karon, usa ka daotang espiritu gikan sa Dios nagsakit kanimo.

1 Samuel 16:17

Busa si Saul miingon ngadto sa iyang mga sulugoon, “Hatagi ako karon ug usa ka tawo nga maayong motugtog ug dad-a siya dinhi kanako.”

1 Samuel 18:10

Sa pagkaugma, usa ka daotang espiritu gikan sa Dios miabot nga makusganon diha kang Saul ug siya nagsalimoang sulod sa balay samtang si David nagtugtog sa iyang alpa ingon sa iyang gibuhat matag adlaw. Ug dihay bangkaw sa kamot ni Saul.

1 Samuel 19:9

Unya usa ka daotang espiritu gikan sa Ginoo miabot kang Saul samtang naglingkod siya sa iyang balay uban sa iyang bangkaw nga diha sa iyang kamot ug si David nagtugtog sa alpa.