1 Samuel 16:15

Ang Biblia 2011

Ug ang mga sulugoon ni Saul miingon kaniya, “Tan-awa karon, usa ka daotang espiritu gikan sa Dios nagsakit kanimo.

Cross References

Mga Maghuhukom 9:23

Ug ang Dios nagpadala ug usa ka daotang espiritu taliwala kang Abimelek ug sa mga tawo sa Sekem. Ug ang mga tawo sa Sekem misukol kang Abimelek,

1 Samuel 16:1

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

1 Samuel 16:14

Unya ang Espiritu sa Ginoo mibulag gikan kang Saul ug usa ka daotan nga espiritu gikan sa Ginoo nagsakit kaniya.

1 Samuel 16:16

Himoa nga ang among agalon karon magsugo sa imong mga sulugoon nga anaa sa imong atubangan sa pagpangita ug usa ka tawo nga batid nga motugtog sa alpa, ug unya kon ang daotang espiritu gikan sa Dios anaa kanimo, siya motugtog niini ug ikaw mamaayo.”

1 Samuel 18:10

Sa pagkaugma, usa ka daotang espiritu gikan sa Dios miabot nga makusganon diha kang Saul ug siya nagsalimoang sulod sa balay samtang si David nagtugtog sa iyang alpa ingon sa iyang gibuhat matag adlaw. Ug dihay bangkaw sa kamot ni Saul.

1 Samuel 19:9

Unya usa ka daotang espiritu gikan sa Ginoo miabot kang Saul samtang naglingkod siya sa iyang balay uban sa iyang bangkaw nga diha sa iyang kamot ug si David nagtugtog sa alpa.