1 Samuel 16:13

Ang Biblia 2011

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.

Cross References

2 Samuel 12:7

Si Natan miingon kang David, “Ikaw mao ang tawo. Kini mao ang gisulti sa Ginoo, ang Dios sa Israel, ‘Ako nagdihog kanimo ingon nga hari sa Israel ug ako nagluwas kanimo gikan sa kamot ni Saul.

2 Samuel 2:4

Ug ang mga tawo sa Juda miadto, ug didto ilang gidihogan si David ingon nga hari sa banay ni Juda. Sa dihang gisuginlan nila si David, “Ang mga tawo sa Jabes-gilead mao ang naglubong kang Saul,”

2 Samuel 23:1

Mao kini ang kataposang mga pulong ni David: Ang pulong ni David nga anak ni Jesse, ang pulong sa tawo nga gibayaw sa itaas, ang dinihogan sa Dios ni Jacob ug ang minahal nga salmista sa Israel,

2 Samuel 5:3

Busa ang tanang mga kadagkoan sa Israel miadto sa hari didto sa Hebron ug si Hari David naghimo ug usa ka kasabotan uban kanila didto sa Hebron sa atubangan sa Ginoo ug sila nagdihog kang David ingon nga hari sa Israel.

2 Mga Hari 9:6

Busa mitindog siya, ug misulod ngadto sa balay, ug ang batan-on mibubo sa lana ngadto sa iyang ulo ug miingon kaniya, “Kini mao ang gipamulong sa Ginoo, ang Dios sa Israel: Ako nagdihog kanimo ingon nga hari ibabaw sa katawhan sa Ginoo, ang Israel.

1 Cronicas 11:3

Busa ang tanang kadagkoan sa Israel nangadto sa hari didto sa Hebron, ug si David naghimo ug usa ka kasabotan uban kanila didto sa Hebron sa atubangan sa Ginoo ug ilang gidihogan si David ingon nga hari sa Israel, sumala sa pulong sa Ginoo pinaagi kang Samuel.

Salmo 89:20

Nakaplagan nako si David nga akong alagad; gidihogan nako siya sa akong lana nga balaan;

Salmo 89:21

ang akong kamot magpabilin uban kaniya, ang akong bukton magpalig-on kaniya.

Numeros 11:17

Unya ako mokunsad ug makigsulti kanimo didto, ug ako magkuha ug espiritu nga anaa kanimo, ug kini ibutang nako kanila ug sila magpas-an sa kabug-at sa katawhan uban kanimo aron dili ikaw magpas-an niini nga mag-inusara.

Numeros 27:18

Ug ang Ginoo miingon kang Moises, “Dad-a si Josue nga anak ni Nun, usa ka tawo nga kaniya anaa ang Espiritu, ug ipandong ang imong kamot ibabaw kaniya,

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

Mga Buhat 13:22

Ug sa gipapahawa na siya sa Dios, gituboy niya si David aron mahimo nilang hari, nga gipamatud-an niya nga nag-ingon, ‘Diha kang David nga anak ni Jesse, nakakita ako ug tawo nga nahiuyon sa akong kasingkasing, siya magbuhat sa tanan nakong mga pagbuot.’

Mga Hebreo 1:9

Gihigugma nimo ang pagkamatarong ug gidumtan nimo ang pagkamalapason; tungod niana gidihogan ikaw sa Dios, sa imong Dios, sa lana sa kalipay labaw kanila nga imong mga kauban.”

Mga Hebreo 11:32

Ug unsa pay uban nga akong isulti? Kay kulang ang akong panahon sa paghisgot mahitungod kang Gideon, kang Barak, kang Samson, kang Jepta, mahitungod kang David ug kang Samuel ug sa mga propeta,

Mga Maghuhukom 11:29

Unya ang Espiritu sa Ginoo mikunsad kang Jefta ug miagi siya sa Gilead ug Manases ug miagi sa Mispa sa Gilead, ug gikan sa Mispa sa Gilead, miagi siya ngadto sa mga Amonihanon.

Mga Maghuhukom 13:25

Ug ang Espiritu sa Ginoo nagsugod sa paglihok kaniya didto sa Mahane-dan, sa taliwala sa Zora ug Estaol.

Mga Maghuhukom 14:6

Ug ang Espiritu sa Ginoo mikunsad kaniya nga may gahom ug gikuniskunis niya kini sama nga nagkuniskunis ug sa usa ka nating kanding, ug siya walay bisan unsa sa iyang kamot. Apan wala niya suginli ang iyang amahan o ang iyang inahan sa iyang gibuhat.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

1 Samuel 1:19

Sayo sila nga mibangon ug misimba atubangan sa Ginoo. Unya namauli sila sa ilang balay sa Rama. Ug si Elkana nakigdulog kang Hana nga iyang asawa ug ang Ginoo nahinumdom kaniya.

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 10:6

Unya ang Espiritu sa Ginoo moabot kanimo nga puno sa gahom ug ikaw magpropesiya uban kanila ug mahimo ikaw nga lahi nga tawo.

1 Samuel 11:6

Ug ang Espiritu sa Dios miabot nga puno sa gahom diha kang Saul sa pagkadungog niya niadtong mga pulonga ug ang iyang kasuko misilaob sa hilabihan gayod.

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 18:12

Si Saul nahadlok kang David tungod kay ang Ginoo nag-uban kaniya ug mibiya gikan kang Saul.

1 Samuel 2:35

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.