1 Samuel 16:11

Ang Biblia 2011

Si Samuel miingon kang Jesse, “Ania ba dinhi ang tanan nimong mga anak?” Ug siya miingon, “Aduna pay nahibilin nga kamanghoran ug atua siya nagbantay sa mga karnero.” Ug si Samuel miingon kang Jesse, “Pasugoi ug ipakuha siya, kay dili kita manglingkod hangtod nga moabot siya dinhi.”

Cross References

2 Samuel 13:3

Apan si Amnon may usa ka higala, nga ginganlan ug Jonadab nga anak ni Simeas nga igsoon ni David, ug si Jonadab igmat kaayo nga tawo.

2 Samuel 7:8

Busa karon mao kini ang imong isulti ngadto sa akong alagad nga si David, ‘Kini mao ang gisulti sa Ginoo sa mga panon: Gikuha ko ikaw gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

1 Cronicas 17:7

Busa karon mao kini ang imong isulti ngadto sa akong alagad nga si David, ‘Mao kini ang giingon sa Ginoo sa mga panon: Gikuha ikaw nako gikan sa sibsibanan, gikan sa pagsunod sa mga karnero, aron ikaw mahimong pangulo sa akong katawhan nga Israel.

Exodo 3:1

Samtang si Moises nagbantay sa panon sa mga hayop ni Jetro nga iyang ugangan nga pari sa Midian, iyang gidala ang panon sa mga hayop ngadto sa kasadpang bahin sa kamingawan ug miadto sa Horeb, ang bukid sa Dios.

1 Samuel 16:10

Ug gipaagi ni Jesse ang pito niya ka anak nga lalaki sa atubangan ni Samuel. Ug si Samuel miingon kang Jesse, “Ang Ginoo wala magpili niini.”

1 Samuel 17:28

Si Eliab nga iyang magulang nga igsoon nakadungog sa diha nga siya nakigsulti sa mga tawo, ug ang kasuko ni Eliab misilaob batok kang David, ug siya miingon, “Nganong mianhi man ikaw? Ug kinsay imong gibinlan niadtong pipila ka karnero didto sa kamingawan? Ako nahibalo sa imong garbo, ug sa kadaotan sa imong kasingkasing kay ikaw mianhi aron sa pagtan-aw sa gubat.”