1 Samuel 16:1

Ang Biblia 2011

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

Cross References

1 Mga Hari 8:16

‘Sukad sa adlaw nga gidala nako ang akong katawhan nga Israel gikan sa Ehipto, ako wala magpili ug siyudad gikan sa tanang mga banay sa Israel aron sa pagtukod ug usa ka balay aron ang akong ngalan pasidunggan didto, kondili akong gipili si David aron magdumala sa akong katawhan nga Israel.’

2 Mga Hari 9:1

Unya si Eliseo nga propeta mitawag sa usa gikan sa pundok sa mga propeta ug miingon kaniya, “Pangandam, ug dad-a kining sudlanan sa lana ug lakaw ngadto sa Ramot-gilead.

2 Mga Hari 9:3

Unya kuhaa ang sudlanan sa lana, ug ibubo kini sa iyang ulo ug ingna siya, ‘Kini mao ang gipamulong sa Ginoo: Gidihogan ko ikaw ingon nga hari sa Israel.’ Unya buksi ang pultahan ug kagiw, ug ayaw paglangan.”

2 Mga Hari 9:6

Busa mitindog siya, ug misulod ngadto sa balay, ug ang batan-on mibubo sa lana ngadto sa iyang ulo ug miingon kaniya, “Kini mao ang gipamulong sa Ginoo, ang Dios sa Israel: Ako nagdihog kanimo ingon nga hari ibabaw sa katawhan sa Ginoo, ang Israel.

1 Cronicas 11:3

Busa ang tanang kadagkoan sa Israel nangadto sa hari didto sa Hebron, ug si David naghimo ug usa ka kasabotan uban kanila didto sa Hebron sa atubangan sa Ginoo ug ilang gidihogan si David ingon nga hari sa Israel, sumala sa pulong sa Ginoo pinaagi kang Samuel.

1 Cronicas 28:4

Bisan pa niana ang Ginoo, ang Dios sa Israel, nagpili kanako gikan sa tibuok balay sa akong amahan aron mahimo nga hari sa Israel hangtod sa kahangtoran, kay iyang gipili si Juda ingon nga pangulo, ug diha sa balay ni Juda, ang balay sa akong amahan, ug sa mga anak nga lalaki sa akong amahan, iyang gikalipay ang paghimo kanako nga hari sa tibuok Israel.

Isaias 11:1

Adunay motunga nga saha gikan sa tuod ni Jesse, ug usa ka sanga motubo gikan sa iyang mga gamot.

Isaias 11:10

Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.

Isaias 55:4

Tan-awa, gihimo nako siya nga usa ka saksi ngadto sa mga katawhan, usa ka pangulo ug tigmando alang sa mga katawhan.

Jeremias 11:14

“Busa ayaw pag-ampo alang niini nga katawhan, o magpatugbaw ug pagpakitabang o pag-ampo alang kanila kay dili ako mamati sa diha nga sila magsangpit kanako panahon sa ilang kalisdanan.

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 6:30

Sinalikway nga plata ang itawag kanila kay ang Ginoo nagsalikway man kanila.”

Jeremias 7:16

“Busa ikaw, ayaw pag-ampo alang niini nga katawhan o magpatugbaw ug pagtuaw o mag-ampo alang kanila, ug ayaw pagpakiluoy kanako alang kanila kay ako dili mamati kanimo.

Zacarias 4:14

Unya miingon siya, “Kini mao ang duha ka dinihogan nga nagtindog duol sa Ginoo sa tibuok kalibotan.”

Roma 15:12

ug dugang pa, si Isaias miingon, “Motungha ang gamot ni Jesse, siya nga mobarog aron sa paghari sa mga Gentil; kaniya maglaom ang mga Gentil.”

Mga Hebreo 11:32

Ug unsa pay uban nga akong isulti? Kay kulang ang akong panahon sa paghisgot mahitungod kang Gideon, kang Barak, kang Samson, kang Jepta, mahitungod kang David ug kang Samuel ug sa mga propeta,

1 Juan 5:16

Kon may makakita nga ang iyang igsoon nakahimo ug sala nga dili makamatay, kinahanglan nga maghangyo siya ug ang Dios maghatag kaniya ug kinabuhi ngadto kanila nga nakahimo ug sala nga dili makamatay. Adunay sala nga makamatay; wala ako mag-ingon nga mag-ampo siya alang niini.

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.

1 Samuel 15:23

Kay ang pagsupil sama sa sala sa pagpanag-an, ug ang pagkagahig ulo sama sa sala sa pagsimba sa mga diosdios. Tungod kay imong gisalikway ang pulong sa Ginoo, siya usab magsalikway kanimo sa imong pagkahari.”

1 Samuel 15:26

Ug si Samuel miingon kang Saul, “Ako dili mobalik uban kanimo kay ikaw nagsalikway sa pulong sa Ginoo, ug ang Ginoo nagsalikway kanimo gikan sa pagkahari ibabaw sa Israel.”

1 Samuel 15:35

Si Samuel wala na makigkita kang Saul pag-usab hangtod sa adlaw sa iyang kamatayon, apan si Samuel nagbangutan tungod kang Saul. Ug ang Ginoo nasubo nga iyang gihimo si Saul nga hari sa Israel.

1 Samuel 16:15

Ug ang mga sulugoon ni Saul miingon kaniya, “Tan-awa karon, usa ka daotang espiritu gikan sa Dios nagsakit kanimo.

1 Samuel 16:23

Sa higayon nga ang daotang espiritu gikan sa Dios moabot kang Saul, si David mokuha sa alpa ug motugtog niini. Busa si Saul maulian ug mamaayo, ug ang daotang espiritu mobiya gikan kaniya.

1 Samuel 17:12

Si David usa ka anak sa usa ka Efratihanon sa Betlehem sa Juda nga ginganlan ug Jesse, nga may walo ka anak nga lalaki. Sa mga adlaw ni Saul, ang maong tawo tigulang na ug taas na ug panuigon.

1 Samuel 9:16

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”