1 Samuel 15:9

Ang Biblia 2011

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.

Cross References

2 Samuel 6:13

Sa diha nga ang nagdala sa sudlanan sa kasabotan sa Ginoo nakalakaw ug unom ka lakang, naghalad siya ug usa ka baka ug usa ka pinatambok nga karnero.

1 Mga Hari 20:34

Ug si Ben-hadad miingon kaniya, “Ang mga siyudad nga giilog sa akong amahan gikan sa imong amahan akong iuli, ug ikaw magtukod ug mga tindahan alang sa imong kaugalingon didto sa Damasco, sama sa gihimo sa akong amahan didto sa Samaria.” Ug si Ahab miingon, “Buhian ikaw nako ubos niining kasabotan.” Busa naghimo siya ug usa ka kasabotan uban kaniya ug gibuhian siya.

Mateo 26:9

Ikabaligya man unta kana ug mahal ug ang halin ihatag ngadto sa mga kabos.”

Josue 6:18

Apan kamo, likayi ninyo ang mga butang nga gigahin nga laglagon kay tingali unya ug makuha ninyo ang butang nga gigahin ug mahimo unya ninyong laglagonon ang kampo sa Israel, ug magdala ug kasamok niini.

Josue 7:21

Sa akong pagkakita, uban sa mga nangaguba, sa usa ka matahom nga kupo gikan sa Sinar ug duha ka gatos ka siklo nga plata ug usa ka barita nga bulawan nga 50 ka siklo ang gibug-aton, naibog ako niini ug akong gikuha. Ug ania, akong gilubong sa yuta sulod sa akong tolda uban sa plata nga anaa sa ilalom.”

1 Samuel 15:10

Unya ang pulong sa Ginoo midangat kang Samuel,

1 Samuel 15:15

Si Saul miingon, “Ilang gidala sila gikan sa mga Amalekanhon kay ang katawhan nagbilin ug labing maayo sa mga karnero ug sa mga baka aron ihalad ngadto sa Ginoo nga imong Dios, ug ang uban gihurot namo paglaglag.”

1 Samuel 15:19

Nganong wala man nimo tumana ang tingog sa Ginoo? Nganong midali man ikaw pagkuha sa inilog ug naghimo ug daotan diha sa panan-aw sa Ginoo?”

1 Samuel 15:3

Busa lakaw ug tigbasa si Amalek ug hutda paglaglag ang tanan nga anaa kanila, ug ayaw sila palingkawasa, hinuon patya ang lalaki ug babaye, bata ug masuso, baka ug karnero, kamilyo ug asno.’ ”

1 Samuel 28:18

Tungod kay ikaw wala magtuman sa tingog sa Ginoo, ug wala nimo buhata ang iyang bangis nga kasuko batok kang Amalek, busa gibuhat sa Ginoo kining butanga nganha kanimo niining adlawa.