1 Samuel 15:3

Ang Biblia 2011

Busa lakaw ug tigbasa si Amalek ug hutda paglaglag ang tanan nga anaa kanila, ug ayaw sila palingkawasa, hinuon patya ang lalaki ug babaye, bata ug masuso, baka ug karnero, kamilyo ug asno.’ ”

Cross References

Genesis 36:12

Si Timna mao ang puyopuyo ni Elipas nga anak ni Esau. Iyang gipanganak si Amalek kang Elipas. Kini sila mao ang mga anak nga lalaki ni Ada nga asawa ni Esau.

2 Samuel 1:8

Ug siya miingon kanako, ‘Kinsa ka ba?’ Ug ako mitubag kaniya, ‘Ako usa ka Amalekanhon.’

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Numeros 24:20

Ug siya mitan-aw kang Amalek ug mihimo sa iyang pakigpulong ug miingon, “Si Amalek mao ang una sa mga nasod, apan sa kataposan siya modangat sa pagkalaglag.”

Numeros 31:17

Busa karon, pamatya ninyo ang tanang lalaki nga kabataan ug pamatya ninyo ang tanang babaye nga nakasinati ug lalaki pinaagi sa pagdulog kaniya.

Josue 10:39

Ug gikuha niya kini uban ang hari niini ug ang kalungsoran niini. Ug ilang gitigbas sila pinaagi sa sulab sa espada ug gihurot pagpamatay ang tanang tawo nga diha niini. Walay usa nga gibilin niya sama sa iyang gibuhat sa Hebron ug sa Libna ug sa hari niini, busa gibuhat usab niya kini sa Debir ug sa hari niini.

1 Samuel 14:48

Siya naghimo niini sa maisogon gayod ug gibuntog ang mga Amalekanhon ug nagluwas sa Israel gikan sa mga kamot sa mga nanulis kanila.

1 Samuel 15:18

Ug ang Ginoo nagpadala kanimo alang sa usa ka buluhaton ug miingon, ‘Lakaw, hutda paglaglag ang mga makasasala, ang Amalekanhon, ug pakig-away kanila hangtod nga sila mangahurot.’

1 Samuel 15:9

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.

1 Samuel 22:19

Ug ang Nob, ang siyudad sa mga pari, iyang gitigbas pinaagi sa espada; ang mga lalaki ug mga babaye, kabataan ug mga masuso, mga baka, mga asno ug mga karnero iyang gipanigbas pinaagi sa espada.

1 Samuel 27:9

Ug si David misulong sa yuta, ug walay gibilin nga mga lalaki o babaye nga buhi, ug gidala ang mga karnero, ang mga baka, ang mga asno ug mga kamilyo, ug ang mga bisti ug siya mibalik ngadto kang Akis.

1 Samuel 30:17

Gipangpatay sila ni David sukad sa pagbanagbanag sa adlaw hangtod sa kagabhion sa sunod nga adlaw, ug walay nakaikyas kanila bisan usa ka tawo, gawas sa upat ka gatos ka batan-ong lalaki nga misakay sa mga kamilyo ug miikyas.