1 Samuel 15:23

Ang Biblia 2011

Kay ang pagsupil sama sa sala sa pagpanag-an, ug ang pagkagahig ulo sama sa sala sa pagsimba sa mga diosdios. Tungod kay imong gisalikway ang pulong sa Ginoo, siya usab magsalikway kanimo sa imong pagkahari.”

Cross References

Genesis 31:19

Unya si Laban milakaw aron sa pagtupi sa iyang mga karnero, ug gikawat ni Raquel ang mga diosdios sa iyang amahan.

Genesis 31:34

Karon gikuha ni Raquel ang mga diosdios sa balay ug kini gibutang niya sa usa ka montura sa usa ka kamilyo ug milingkod siya niini. Ug gisiksik ni Laban ang tibuok tolda, ug wala kini niya makit-i.

2 Samuel 12:9

Nganong gitamay man nimo ang pulong sa Ginoo, sa pagbuhat ug daotan sa iyang panan-aw? Imong gipatay si Uria nga Hitihanon pinaagi sa espada ug mikuha sa iyang asawa aron mahimong imong asawa, ug gipatay nimo siya pinaagi sa espada sa mga Amonihanon.

2 Samuel 7:15

Apan ang akong gugmang walay paglubad dili mobulag kaniya, sama sa pagkuha nako niini gikan kang Saul nga akong gikuha gikan sa imong atubangan.

1 Cronicas 10:13

Busa si Saul namatay tungod sa iyang pagpakasala. Wala siya magmatinumanon sa Ginoo nga niana wala siya magtuman sa sugo sa Ginoo ug nagpakisayod usab sa usa ka tigkonsulta sa mga espiritu, nagpatambag,

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

Job 34:37

Kay iyang gidugangan ug pagsukol ang iyang sala; siya nagpakpak sa iyang kamot taliwala kanato, ug gipadaghan ang iyang mga pulong batok sa Dios.”

Salmo 107:11

kay sila misukwahi sa mga pulong sa Dios, mitamay sa tambag sa Labing Halangdon.

Exodo 22:18

“Ayaw gayod tugoti nga mabuhi ang babayeng tigsalamangka.

Isaias 19:3

ug ang espiritu sa mga Ehiptohanon sa sulod nila mawala, ug akong libogon ang ilang mga laraw; ug sila magpakisayod sa mga diosdios ug sa mga tigsalamangka, ug sa mga tigpakisayod ug mga espiritu, ug sa mga tigpanglamat;

Isaias 8:19

Ug sa diha nga sila magsulti kaninyo, “Pagpakisayod niadtong tigpakisayod ug mga espiritu ug sa mga tigsalamangka, nga maghunghong ug magyagubyob,” dili ba ang katawhan adto man mangutana sa ilang Dios? Adto ba sila mangutana sa mga patay tungod ug alang sa mga buhi?

Jeremias 16:12

ug tungod kay ngil-ad pa ang inyong nabuhat kay sa inyong mga katigulangan, kay kamong tanan nagsunod sa inyong gahi ug daotan nga kabubut-on, nagdumili sa pagpamati kanako;

Jeremias 28:16

Busa mao kini ang giingon sa Ginoo, ‘Kuhaon ko ikaw gikan sa yuta. Niini gayong tuiga mamatay ikaw, tungod kay naglitok ikaw ug pagsupil batok sa Ginoo.’ ”

Jeremias 29:32

busa mao kini ang giingon sa Ginoo: Akong silotan si Semaias nga taga-Nehelam, ug ang iyang kaliwatan. Dili na siya makabaton ug usa ka tawo nga magpuyo uban niining katawhan, ug dili siya makakita sa kaayohan nga buhaton nako alang sa akong katawhan, nag-ingon ang Ginoo, tungod kay siya nagsulti ug pagsupil batok sa Ginoo.’ ”

Oseas 13:11

Gihatagan ko ikaw ug hari diha sa akong kasuko ug siya gikuha nako diha sa akong kaligutgot.

Oseas 3:4

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Levitico 20:27

“Ang usa ka lalaki o usa ka babaye nga tigpakisayod sa espiritu o tigsalamangka patyon gayod pinaagi sa pagbato kanila; sila ra ang sad-an sa ilang kamatayon.”

Levitico 20:6

“Kon ang usa ka tawo modangop ngadto sa mga tigpakisayod sa espiritu o sa mga tigsalamangka aron sa paghugawhugaw sunod kanila, ako makigbatok nianang tawhana ug ipahimulag siya gikan sa taliwala sa iyang katawhan.

Numeros 14:9

Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Mga Buhat 13:22

Ug sa gipapahawa na siya sa Dios, gituboy niya si David aron mahimo nilang hari, nga gipamatud-an niya nga nag-ingon, ‘Diha kang David nga anak ni Jesse, nakakita ako ug tawo nga nahiuyon sa akong kasingkasing, siya magbuhat sa tanan nakong mga pagbuot.’

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Mga Taga-Galacia 5:20

pagsimba ug mga diosdios, pagsalamangka, pagdinumtanay, panagbingkil, pangabubho, kapungot, kahakog, pagkabahinbahin, pagpundokpundok,

Deuteronomio 9:24

Nagmasinupakon kamo batok sa Ginoo sukad sa adlaw nga nakaila ako kaninyo.

Deuteronomio 9:7

Hinumdomi ug ayaw kalimti kon giunsa ninyo pagpasuko ang Ginoo nga inyong Dios didto sa kamingawan, sukad sa adlaw nga kamo migula gikan sa yuta sa Ehipto hangtod nga miabot kamo niining dapita, nagmasupilon kamo batok sa Ginoo.

Josue 22:15

Sila miabot ngadto sa mga Rubenhanon, sa mga Gadhaon ug sa katunga sa banay ni Manases didto sa yuta sa Gilead, ug sila miingon kanila,

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.

1 Samuel 13:14

Apan karon ang imong gingharian dili magpadayon. Ang Ginoo nangita alang kaniya ug usa ka tawo nga uyon sa iyang kaugalingong kasingkasing ug ang Ginoo nagpili kaniya aron mahimong pangulo ibabaw sa iyang katawhan, tungod kay ikaw wala magtuman sumala sa gisugo sa Ginoo kanimo.”

1 Samuel 16:1

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

1 Samuel 2:30

Busa ang Ginoo, ang Dios sa Israel nagpahayag, ‘Akong gisaad nga ang imong panimalay ug ang panimalay sa imong amahan mosulod ug mogawas sa akong atubangan hangtod sa kahangtoran,’ apan karon ang Ginoo nagpahayag, ‘Ipalayo kana kanako, kay sila nga nagpasidungog kanako akong pasidunggan, ug sila nga nagtamay kanako tamayon.

1 Samuel 28:3

Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.