1 Samuel 15:13

Ang Biblia 2011

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”

Cross References

Genesis 14:19

Ug siya mipanalangin kang Abram ug miingon, “Panalanginan unta si Abram sa Dios nga Labing Halangdon nga nagbuhat sa langit ug sa yuta.

Genesis 3:12

Ug ang tawo miingon, “Ang babaye nga gihatag nimo kanako aron akong ikauban, siya ang naghatag kanako sa bunga sa kahoy, ug mikaon ako.”

2 Samuel 2:5

si David nagpadala ug mga sulugoon ngadto sa mga tawo sa Jabes-gilead, ug miingon kanila, “Panalanginan unta kamo sa Ginoo kay gipakita ninyo kining maong pagkamaunongon ngadto kang Saul nga inyong agalon ug gilubong ninyo siya!

Mga Panultihon 27:2

Padayega ang laing tawo kanimo ug dili ang imong kaugalingong baba; usa ka langyaw, ug dili ang imong kaugalingong mga ngabil.

Mga Panultihon 28:13

Siya nga nagtabon sa iyang kalapasan dili mouswag, apan siya nga nagsugid ug nagbiya niini makakab-ot ug kaluoy.

Mga Panultihon 30:13

Adunay mga tawo—pagkamapahitas-on sa ilang mga mata, pagkataas sa pag-isa sa ilang mga tabontabon!

Mga Panultihon 31:31

Hatagi siya sa bunga sa iyang mga kamot, ug ipadayeg siya sa iyang mga buhat diha sa mga ganghaan.

Lucas 17:10

Mao usab kamo, sa dihang mabuhat ninyo ang tanang gisugo kaninyo, ingna ninyo, ‘Kami mga sulugoon nga walay pulos kay igo man lamang kami nga nagtuman sa tanan nga gisugo kanamo.’ ”

Lucas 18:11

Ang Pariseo nagbarog ug nag-ampo diha sa iyang kaugalingon, ‘O Dios, nagpasalamat ako kanimo nga dili ako sama sa ubang mga tawo nga tikasan, daotan, mananapaw ug dili usab sama niining tigpaningil ug buhis.

Mga Maghuhukom 17:2

Ug siya miingon sa iyang inahan, “Ang napulo ug usa ka gatos ka buok salaping plata nga gikuha gikan kanimo, nga mahitungod niini ikaw namulong ug usa ka tunglo, ug misulti usab ikaw niini sa akong mga dalunggan, tan-awa ang salapi ania kanako. Gikuha nako kini.” Ug ang iyang inahan miingon, “Panalanginan unta sa Ginoo ang akong anak.”

Ruth 3:10

Ug siya miingon, “Hinaot nga panalanginan ikaw sa Ginoo, anak ko. Ikaw nagpakitag kaayo nga labaw pa kay sa sinugdan, nga ikaw wala mag-apas sa mga batan-on nga lalaki, kabos man o adunahan.

1 Samuel 13:10

Sa pagkahuman niya ug halad sa halad nga sunogon, si Samuel miabot ug si Saul migula aron sa pagtagbo kaniya, ug paghatag kaniya ug katahoran.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.

1 Samuel 15:20

Ug si Saul miingon kang Samuel, “Ako nagtuman sa tingog sa Ginoo, ako naglakaw sa dalan tungod sa gipabuhat sa Ginoo kanako, akong nadala si Agag nga hari sa Amalek ug akong nalaglag paghurot ang mga Amalekanhon.

1 Samuel 15:9

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.

1 Samuel 23:21

Ug si Saul miingon, “Panalanginan unta kamo sa Ginoo kay kamo naluoy kanako.

1 Samuel 25:14

Apan usa sa mga batan-ong lalaki misugilon kang Abigail nga asawa ni Nabal, “Si David nagpadala ug mga sinugo gikan sa kamingawan aron sa paghatag ug katahoran sa atong agalon ug iyang gikasab-an sila.