1 Samuel 14:16

Ang Biblia 2011

Ang mga bantay ni Saul nga didto sa Gibea sa Benjamin mitan-aw ug ilang nakita ang panon nga nagngadto nganhi.

Cross References

Salmo 58:7

Wad-a sila sama sa tubig nga nagdagayday; sama sa balili patumbi sila ug malaya.

Salmo 68:2

Ingon nga ang aso mapalid, papahawaa sila; ingon nga ang talo matunaw atubangan sa kalayo, wagtanga ang mga daotan gikan sa atubangan sa Dios.

Isaias 19:2

Hagiton nako ang mga Ehiptohanon batok sa mga Ehiptohanon, ug sila mag-away, ang matag tawo batok sa iyang igsoon, ug ang matag tawo batok sa iyang silingan, siyudad batok sa siyudad, gingharian batok sa gingharian;

Mga Maghuhukom 7:22

Sa dihang gipatingog nila ang tulo ka gatos ka trumpeta, ang Ginoo nagbutang sa matag espada sa mga tawo batok sa iyang isigkatawo ug batok sa tibuok kasundalohan. Ug ang panon mikagiw hangtod sa Bet-sita ngadto sa Zerera, hangtod sa utlanan sa Abel-mehola duol sa Tabat.

1 Samuel 14:15

May kaguliyang didto sa kampo, sa kapatagan ug sa taliwala sa tibuok katawhan; ang mga sundalo nga nagbantay sa kuta ug ang mga nanulong nangurog, ang yuta milinog, ug kini nahimong dakong kaguliyang.

1 Samuel 14:17

Unya si Saul miingon sa katawhan nga didto uban kaniya, “Ipha ug tan-awa kon kinsa ang mibulag gikan kanato.” Ug sa diha nga naihap na sila, si Jonatan ug ang iyang tigdala sa hinagiban wala didto.

1 Samuel 14:20

Unya si Saul ug ang tibuok katawhan nga uban kaniya nagtigom ug nangadto sa gubat, ug ang espada sa matag usa batok sa iyang isigkaingon, ug may dakong kaguliyang.