1 Samuel 14:13

Ang Biblia 2011

Unya si Jonatan mikatkat pinaagi sa iyang mga kamot ug sa iyang mga tiil ug ang tigdala sa iyang hinagiban nagsunod kaniya. Ug sila nangapukan sa atubangan ni Jonatan ug sila gipatay sa tigdala ug hinagiban nga nagsunod kaniya.

Cross References

Salmo 18:29

Kay pinaagi kanimo makapulpog ako ug usa ka panon sa kasundalohan, ug pinaagi sa akong Dios makalayat ako ibabaw sa usa ka kuta.

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

Deuteronomio 28:7

“Ang Ginoo maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

Josue 23:10

Usa ka tawo kaninyo makaabog ug usa ka libo kay ang Ginoo nga inyong Dios mao ang makig-away alang kaninyo sumala sa iyang gisaad kaninyo.

Mga Maghuhukom 9:54

Dihadiha gitawag niya ang batan-ong lalaki nga tigdala sa iyang hinagiban ug miingon, “Ibta ang imong espada ug patya ako kay tingali unya ug ang mga tawo mosulti mahitungod kanako, ‘Usa ka babaye ang nagpatay kaniya.’ ” Ug ang iyang batan-ong lalaki midunggab kaniya ug namatay siya.

1 Samuel 14:12

Ug ang mga tawo nga nagbantay sa kuta misinggit kang Jonatan ug sa tigdala sa iyang hinagiban ug miingon, “Ngari kamo kanamo ug pakit-on kamo namo sa usa ka butang.” Ug si Jonatan miingon sa tigdala sa iyang hinagiban, “Sunod kanako sa pagsaka kay ang Ginoo nagtugyan kanila ngadto sa kamot sa Israel.”

1 Samuel 14:14

Ug sa unang pagpamatay nga gihimo ni Jonatan ug sa iyang tigdala sa hinagiban, 20 ka tawo sulod sa ingon sa katunga sa gitas-on sa tudling sa usa ka luna sa yuta.