1 Samuel 13:9

Ang Biblia 2011

Busa si Saul miingon, “Dad-a dinhi kanako ang halad nga sunogon ug ang halad sa pakigdait.” Ug iyang gihalad ang halad nga sunogon.

Cross References

2 Samuel 24:25

Ug si David nagtukod didto ug usa ka halaran alang sa Ginoo ug naghalad ug mga halad nga sunogon ug mga halad sa pakigdait. Busa ang Ginoo nagpatalinghog sa mga hangyo alang sa yuta ug ang kamatay sa Israel mihunong.

1 Mga Hari 3:4

Ug ang hari miadto sa Gibeon aron sa paghalad didto, kay kadto mao ang labing habog nga dapit. Usa ka libo ka halad nga sinunog ang gihalad ni Solomon niadtong maong halaran, sumala sa iyang naandan.

Salmo 37:7

Paghilom diha sa Ginoo ug paghulat nga mapailobon kaniya; ayaw kaguol tungod kaniya nga nagmauswagon sa iyang dalan, tungod sa tawo nga naghimo ug daotan nga mga laraw.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Mga Panultihon 20:22

Ayaw pag-ingon, “Ako mobalos sa doatan”; hulata ang Ginoo, ug siya motabang kanimo.

Mga Panultihon 21:27

Ang halad sa daotan usa ka dulumtanan; unsa pa kaha kon dad-on niya kini uban sa tuyo nga daotan.

Mga Panultihon 21:3

Ang pagbuhat sa pagkamatarong ug hustisya labaw nga dawaton sa Ginoo kay sa halad.

Isaias 66:3

“Siya nga nagpatay ug usa ka baka sama kaniya nga nagpatay ug usa ka tawo; siya nga naghalad ug usa ka nating karnero sama kaniya nga naglunggo sa liog sa usa ka iro; siya nga naghalad ug halad nga pagkaon sama kaniya nga naghalad ug dugo sa baboy; siya nga naghalad ug insenso alang sa paghandom sama kaniya nga nagpanalangin ug usa ka diosdios. Kini sila nagpili sa ilang kaugalingong mga pamaagi, ug ang ilang kalag nahimuot sa ilang kaugalingong mga dulumtanan;

Deuteronomio 12:5

Apan pangitaa ang dapit nga pilion sa Ginoo nga inyong Dios gikan sa tanan ninyong mga banay aron butangan ninyo sa iyang ngalan ug maghimo sa iyang puluy-anan didto.

Deuteronomio 12:6

Didto mangadto kamo, ug didto dad-on ninyo ang inyong mga halad nga sunogon, ug ang inyong mga halad nga inihaw, ug ang inyong mga ikapulo ug ang halad nga binayaw sa inyong mga kamot ug ang inyong mga halad nga gisaad ug ang inyong mga halad nga kinabubut-on ug ang mga kamagulangan sa inyong mga baka ug sa inyong mga karnero.

1 Samuel 14:18

Ug si Saul miingon kang Ahias, “Dad-a dinhi ang sudlanan sa kasabotan sa Dios.” Kay ang sudlanan sa kasabotan sa Dios didto niadtong adlawa uban sa katawhan sa Israel.