1 Samuel 13:6

Ang Biblia 2011

Sa pagkakita sa mga tawo sa Israel nga diha sila sa kalisdanan (kay ang katawhan naguol), ang mga tawo nagtago sa ilang kaugalingon sa mga langob ug sa mga lungag ug sa mga dagkong bato ug sa mga lubnganan ug sa mga gahong.

Cross References

2 Samuel 24:14

Unya si David miingon kang Gad, “Ako ania sa dakong kaguol, itugot nga mahulog kami sa kamot sa Ginoo kay ang iyang kaluoy dako apan ayaw itugot nga ako mahulog sa kamot sa tawo.”

Isaias 42:22

Apan kini usa ka katawhan nga gikawatan ug gitulisan, silang tanan nalit-ag sa mga gahong, ug sila gitagoan diha sa mga bilanggoan; sila nahimong tukbonon nga walay si bisan kinsa nga makaluwas, mga inilog nga walay makaingon, “Iuli!”

Jeremias 41:9

Ang atabay nga gitambogan ni Ismael sa tanang mga lawas sa mga tawo nga iyang gipamatay mao ang kinadak-an nga atabay, nga gipabuhat ni Asa nga hari ingon nga panalipod batok kang Baasa nga hari sa Israel; gipuno kini ug mga pinatay ni Ismael nga anak ni Netanias.

Ezequiel 33:27

Isulti kini ngadto kanila, Mao kini ang giingon sa Ginoong Dios: Ingon nga ako buhi, kadtong atua sa mga kamingawan mangapukan gayod pinaagi sa espada, ug siya nga anaa sa hawan nga kapatagan ihatag nako sa mga mananap aron tukbon, ug sila nga anaa sa lig-ong mga salipdanan ug sa mga langob mangamatay sa mikaylap nga sakit.

Mga Taga-Filipos 1:23

Ako napiit taliwala sa duha. Ang akong tinguha mao unta ang pagbiya ug makig-uban kang Cristo, kay kini labawng maayo.

Mga Hebreo 11:38

alang kanila ang kalibotan dili angay—naglatagaw sila sa mga kamingawan ug mga kabukiran, sa mga langob ug mga lungib sa yuta.

Josue 8:20

Busa sa diha nga ang mga tawo sa Ai nanglingi sa ilang luyo, nakita nila ang aso gikan sa siyudad nga miutbo sa langit ug wala silay gahom sa pag-ikyas bisan asa paingon kay ang mga tawo nga nanagan ngadto sa kamingawan misumbalik na man sa naggukod kanila.

Mga Maghuhukom 10:9

Ug ang mga Amonihanon mitabok sa Jordan aron sa pagpakig-away batok sa Juda, batok sa Benjamin ug batok sa balay ni Efraim, nga tungod niana ang Israel naguol pag-ayo.

Mga Maghuhukom 20:41

Ug ang katawhan sa Israel namalik ug ang katawhan sa Benjamin nangalisang kay ilang nakita nga ang katalagman duol na kanila.

Mga Maghuhukom 6:2

Ug ang kamot sa Midian mipatigbabaw batok sa Israel ug tungod sa Midian, ang katawhan sa Israel naghimog ilang mga tagoanan nga anaa sa kabukiran, sa mga langob ug sa mga lig-ong salipdanan.

1 Samuel 13:15

Busa si Samuel mitindog ug miadto siya gikan sa Gilgal ngadto sa Gibea sa Benjamin. Ug giihap ni Saul ang katawhan nga diha uban kaniya, mga unom ka gatos ka tawo.

1 Samuel 14:11

Busa silang duha nagpadayag sa ilang kaugalingon didto sa mga sundalo nga nagbantay sa kuta sa mga Filistihanon ug ang mga Filistihanon nag-ingon, “Tan-awa, ang mga Hebreo nanggula gikan sa mga lungag diin sila nagtago sa ilang kaugalingon.”

1 Samuel 14:22

ingon man ang tanang tawo sa Israel nga nagtago sa ilang kaugalingon sa kabungtoran sa Efraim, sa diha nga nadunggan nila nga ang mga Filistihanon nanagan, sila usab naninguha sa paglutos kanila diha sa gubat.

1 Samuel 23:19

Unya mitungas ang mga Zifihanon ngadto kang Saul sa Gibea, nga nag-ingon, “Wala ba si David magtago uban kanamo sulod sa kuta didto sa Hores sa kabungtoran sa Hakila sa habagatan sa Jesimon?

1 Samuel 24:3

Siya miabot sa mga toril sa mga karnero daplin sa agianan, diin may usa ka langob, ug si Saul misulod aron sa pagpahuwas sa iyang kaugalingon. Niadtong tungora, si David ug ang iyang mga tawo nanglingkod sa kinasulorang bahin sa maong langob.

1 Samuel 31:7

Sa diha nga ang mga tawo sa Israel nga didto sa laing bahin sa walog ug kadtong didto sa unahan sa Jordan nakakita nga ang mga tawo sa Israel nanagan ug nga si Saul ug ang iyang mga anak nga lalaki nangamatay, ilang gibiyaan ang mga siyudad ug nanglayas, ug ang mga Filistihanon miabot ug mipuyo niini.

1 Samuel 7:7

Sa pagkadungog sa mga Filistihanon nga ang mga tawo sa Israel nagtigom didto sa Mispa, ang mga pangulo sa mga Filistihanon misulong batok sa Israel. Ug sa diha nga ang katawhan sa Israel nakadungog niini, nangahadlok sila sa mga Filistihanon.