1 Samuel 13:5

Ang Biblia 2011

Ang mga Filistihanon nagtapok aron sa pagpakig-away sa Israel, 30,000 ka karwahi ug unom ka libo ka tigpangabayo ug kasundalohan nga daw balas sa baybayon ang gidaghanon ug mitungas sila ug nagkampo sa Mikmas, dapit sa silangan sa Bet-aben.

Cross References

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

2 Samuel 17:11

Apan ang akong tambag mao nga ang tibuok Israel kinahanglang pundokon nganha kanimo gikan sa Dan ngadto sa Beer-seba, sama sa balas nga anaa sa baybayon ang gidaghanon ug nga ikaw gayod moadto sa gubat.

1 Mga Hari 20:27

Ug ang katawhan sa Israel gipundok ug gipabalonan ug pagkaon ug miasdang batok kanila. Ang katawhan sa Israel nagkampo sa atbang nila sama sa duha ka gagmay nga panon sa mga kanding apan ang mga Sirianhon milukop sa yuta.

2 Cronicas 1:9

O Ginoo nga Dios, himoa nga matuman karon ang imong saad kang David nga akong amahan kay ikaw naghimo kanako nga hari sa usa ka katawhan nga sama ka daghan sa abog sa yuta.

Isaias 10:28

Siya mibiya gikan sa Rimon, siya miabot sa Aiat; siya miagi sa Migron, didto sa Mikmas gitipigan niya ang iyang kabtangan;

Isaias 48:19

ang imong mga kaliwat mahisama unta sa balas, ug ang mga anak sa imong sabakan mahisama sa mga lugas niini; ang ilang ngalan dili unta mapuo o laglagon gikan sa akong atubangan.”

Jeremias 15:8

Gipadaghan nako ang ilang mga biyuda kay sa balas sa kadagatan; sa kaudtohon gipadad-an nako ug tiglaglag ang mga inahan sa mga batan-ong lalaki; gihimo nako nga ang kasakit ug ang kalisang mahulog sa kalit kanila.

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 4:15

Bisan ug ikaw nagbaligya sa imong dungog, O Israel, ayaw itugot nga ang Juda magpakasala. Ayaw kamo pangadto sa Gilgal o manungas kamo sa Bet-aven, ug ayaw kamo panumpa, “Ingon nga ang Ginoo buhi.”

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Roma 9:27

Ug si Isaias mituaw mahitungod sa Israel, “Bisan pa kon ang gidaghanon sa mga anak ni Israel sama sa balas sa dagat, ang mahibilin lamang mao ang maluwas,

Josue 11:4

Sila nanggula uban ang tanan nilang mga panon sa kasundalohan, dakong panon, sama sa gidaghanon sa balas sa kabaybayonan, uban ang daghang mga kabayo ug mga karwahi.

Josue 18:12

Sa amihanang bahin, ang ilang utlanan nagsukad sa Jordan ug ang utlanan mitungas ngadto sa kasadpang bahin sa Jerico unya ngadto sa kabungtorang dapit sa kasadpan ug kini misangko sa kamingawan sa Bet-aven.

Josue 7:2

Si Josue nagpadala ug mga tawo gikan sa Jerico ngadto sa Ai nga duol sa Bet-aven, dapit sa silangan sa Betel ug miingon kanila, “Pangadto kamo ug panid-i ang yuta.” Ug ang katawhan nangadto ug naniid sa Ai.

Mga Maghuhukom 7:12

Ug ang mga Midianhon ug mga Amalekanhon ug ang tanan nga katawhan sa silangan nagpahiluna sa walog nga sama sa mga dulon ang gidaghanon. Ug ang ilang mga kamilyo dili maihap, sama sa balas nga anaa sa baybayon ang gidaghanon.

1 Samuel 13:11

Si Samuel miingon, “Unsay imong nabuhat?” Ug si Saul miingon, “Sa pagkakita nako nga ang katawhan nagkabulagbulag na gikan kanako ug nga wala ikaw moanhi sa mga adlaw nga gitakda, ug nga ang mga Filistihanon nagtigom na sa ilang kaugalingon didto sa Mikmas,

1 Samuel 13:2

Si Saul nagpili ug tulo ka libo ka tawo gikan sa Israel; ang duha ka libo didto uban ni Saul sa Mikmas ug sa kabungtoran sa Betel, ug ang usa ka libo didto uban kang Jonatan sa Gibea sa Benjamin, ug ang uban nga mga tawo gipapauli niya ngadto sa ilang tolda.

1 Samuel 14:23

Busa ang Ginoo nagluwas sa Israel niadtong adlawa ug ang gubat misaylo sa Bet-aben.

1 Samuel 14:52

Dihay bangis nga pagpakiggubat batok sa mga Filistihanon sa tanang mga adlaw ni Saul, si bisan kinsa nga makit-an ni Saul nga kusgan nga tawo o isog nga tawo, iya kining kuhaon alang kaniya.

1 Samuel 17:1

Unya ang mga Filistihanon nagtigom sa ilang mga panon sa kasundalohan aron sa pagpakiggubat, ug nagtigom sila didto sa Soco nga sakop sa Juda, ug nagkampo tungatunga sa Soco ug sa Aseka, sa Epes-damim.

1 Samuel 7:13

Busa ang mga Filistihanon nabuntog ug wala na sila mosulod pag-usab sa kayutaan sa Israel. Ang kamot sa Ginoo nakigbatok sa mga Filistihanon sa tanang mga adlaw ni Samuel.