1 Samuel 13:3

Ang Biblia 2011

Nabuntog ni Jonatan ang mga sundalo nga bantay sa kuta sa mga Filistihanon nga didto sa Geba ug ang mga Filistihanon nakadungog niini. Busa gipatingog ni Saul ang trumpeta ngadto sa tibuok yuta ug miingon, “Padungga ang mga Hebreo.”

Cross References

2 Samuel 2:28

Busa gipatingog ni Joab ang trumpeta, ug ang tibuok katawhan nanghunong ug wala na mogukod sa Israel o makig-away pa sila.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 23:14

Niadtong higayona si David didto sa kuta ug ang kampo sa mga Filistihanon didto sa Betlehem.

Isaias 10:29

gilatas nila ang walog, didto sa Geba nagpalabay sila sa kagabhion; ang Rama mikurog, ang Gibea ni Saul mikagiw.

Zacarias 14:10

Ang tibuok nga yuta mahimong patag gikan sa Geba hangtod sa Rimon sa habagatan sa Jerusalem, apan ang Jerusalem magpabilin nga habog diha sa nahimutangan niini, gikan sa Ganghaan ni Benjamin ngadto sa dapit sa unang ganghaan, ngadto sa Eskina nga Ganghaan, ug gikan sa Tore ni Hananel ngadto sa mga pigsanan sa ubas sa hari.

Josue 18:24

ang Kefar-amoni, ang Ofni ug ang Geba, napulo ug duha ka siyudad, lakip ang mga balangay niini;

Josue 21:17

Ug gikan sa banay ni Benjamin, ang Gibeon uban ang mga sibsibanan niini, ang Geba uban ang mga sibsibanan niini,

Mga Maghuhukom 3:27

Sa diha nga miabot na siya, iyang gipatingog ang trumpeta didto sa kabungtoran sa Efraim. Ug ang katawhan sa Israel milugsong uban kaniya gikan sa kabungtoran, ug siya ang nangulo kanila.

Mga Maghuhukom 6:34

Apan ang espiritu sa Ginoo mikunsad kang Gideon ug iyang gipatingog ang trumpeta ug ang mga kaliwat ni Abieser gitawag aron sa pagsunod kaniya.

1 Samuel 10:5

Human niana, lakaw ngadto sa Gibeat-elohim diin atua didto ang kampo sa kasundalohan sa mga Filistihanon ug unya sa imong pag-abot didto sa siyudad, ikaw makatagbo ug usa ka panon sa propeta nga nanglugsong gikan sa habog nga dapit nga nagdala ug alpa, tambor, plawta ug lira diha kanila nga nagpropesiya.

1 Samuel 13:16

Si Saul, ug ang iyang anak nga si Jonatan ug ang katawhan nga diha uban kanila nagpabilin sa Geba sa Benjamin. Apan ang mga Filistihanon nagkampo didto sa Mikmas.