1 Samuel 12:5

Ang Biblia 2011

Ug siya miingon ngadto kanila, “Ang Ginoo saksi batok kaninyo ug ang iyang dinihogan maoy saksi niining adlawa nga kamo wala makakita ug bisan unsa sa akong kamot.” Ug sila miingon, “Siya saksi.”

Cross References

Genesis 31:50

Kon sakiton nimo ang akong mga anak nga babaye ug kon mangasawa ikaw ug lain pa gayod gawas sa akong mga anak nga babaye, bisan ug walay tawo nga anaa uban kanato, hinumdomi, ang Dios mao ang saksi taliwala kanimo ug kanako.”

Job 16:19

Bisan karon, tan-awa, ang akong saksi atua sa langit, ug siya nga nagpamatuod kanako atua sa kahitas-an.

Job 42:7

Human ang Ginoo makasulti niini ngadto kang Job, ang Ginoo miingon kang Elipas nga Temanhanon, “Ang akong kasuko nadagkotan batok kanimo ug sa duha nimo ka higala, kay kamo wala magsulti sa matarong mahitungod kanako, ingon kang Job.

Salmo 17:3

Kon imong sulayan ang akong kasingkasing, kon imo akong duawon sa kagabhion, kon sulayan nimo ako, dili ikaw makakaplag ug pagkadaotan dinhi kanako; ang akong baba dili maglapas.

Exodo 22:4

Kon ang kinawat nga mananap makaplagan nga buhi diha sa iyang kamot, baka man o asno o karnero, kinahanglang magbayad siya ug duha ka pilo.

Juan 18:38

Si Pilato nangutana kaniya, “Unsa man ang kamatuoran?” Human siya makasulti niini, si Pilato migula pag-usab ngadto sa mga Judio ug miingon kanila, “Wala akoy nakita nga sala diha kaniya.

Mga Buhat 23:9

Unya nahitabo ang dakong kasamok, ug ang ubang mga eskriba sa pundok sa mga Pariseo mitindog ug nakiglalis nga nag-ingon, “Kami walay nakita nga daotan niining tawhana. Unsa man kon espiritu o anghel ang misulti kaniya?”

Mga Buhat 24:16

Busa kanunay nako nga gipaningkamotan ang pagbaton ug hinlo nga tanlag ngadto sa Dios ug sa mga tawo.

Mga Buhat 24:20

O ipasulti ba hinuon niining mga tawhana ang sala nga ilang nakita sa dihang miatubang ako sa Sanhedrin,

1 Mga Taga-Corinto 4:4

Kay wala akoy nahibaloan nga bisan unsa batok sa akong kaugalingon apan dili pinaagi niini nga ako nahimong matarong, kay ang maghukom kanako mao ang Ginoo.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

1 Samuel 12:4

Sila miingon, “Wala ikaw maglimbong kanamo o magdaogdaog o magdawat ug bisan unsa gikan sa kamot ni bisan kinsang tawo.”

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”